12 нафар республикачи конгрессмен Украинага ёрдам бериш учун маблағ ажратилишига қарши чиқди. Улар президент Жо Байденга хат ёзиб, Конгрессдан шу мақсадда 24 миллиард долларлик сўровни қайтариб олишга чақирдилар.
“Америкаликлар чексиз прокси урушига ҳомийлик қилишдан чарчадилар. Мен ва менинг ҳамкасбларим Конгрессга Украина бўйича кенг қамровли стратегия тақдим этилмагунча, президент Байдендан сўнгги ёрдам пакетини қайтариб олишни талаб қилиб хат ёздик”, — деб ёзди депутат Уоррен Девидсон.
Хат муаллифларига кўра, америкаликлар “АҚШ ва унинг фуқароларини биринчи ўринга қўядиган” сиёсатни хоҳлайди.
Россия Украинада уруш бошлаганидан бери Қўшма Штатлар унга 113 миллиард доллардан ортиқ ёрдам кўрсатишни маъқуллади. 10 август куни Жо Байден Конгрессдан Украина учун қўшимча 13 миллиард доллар фавқулодда ёрдам ва 8,5 миллиард долларлик иқтисодиёт ва мудофаа йўналиши бўйича ёрдам сўради.
Изоҳ (0)