Yoz deyarli tugamoqda va maktabga tayyorgarlik ko‘rish vaqti keldi. Yangi o‘quv yiliga tayyorgarlik ko‘p xarajatlar va stress bilan birga kechadi. “Daryo” jamoasi bolaga kanselyariya tovarlarini olib berish qanchaga tushishi va ularni qayerdan sotib olish afzalroq bo‘lishini o‘rgandi.
Maktab uchun kerakli anjomlar ro‘yxati
Eng qimmat xaridlar do‘konlarda amalga oshiriladi. Yunusobod tumanining “Universam” savdo majmuasidagi qatorda va “Kadisheva” bozorida kanselyariya tovarlari o‘rtacha narxda baholanmoqda.
Toshkentdagi eng arzon kanselyariya mollari Yunusobod bozoridagi maktab bozorida kuzatildi. Ammo onlayn do‘konlardagi narx bunday emas. Ba’zi mahsulotlarni onlayn xarid qilish foydali bo‘lsa, ba’zilarini oflayn sotib olish foyda keltiradi.
Quyida narxlarning to‘liq ro‘yxati keltirilgan:
*Barcha narxlar bir tovar birligi uchun o‘zbek so‘mida ko‘rsatilgan
“Kadisheva” | “Universam” | Yunusobod bozori | Do‘kon | Onlayn do‘kon | |
| Qaychi | 10.000 | 10.000 | 5.000-8.000 | 10.200 | 3.000 |
| Chizg‘ich | 5.000 | 4.000 | 3.000 | 12.200 | 4.000 |
| Kley | 8.000 | 4.000 | 4.000 | 5.600 | 5.000 |
| Ko‘k ruchka | 3.000 | 1.500 | 1.000 | 1.500 | 2.000 |
| Yashil ruchka | 2.000 | 1.500 | 1.000 | 1.500 | 2.000 |
| Qalam ochqich | 5.000 | 4.000 | 4.000 | 3.900 | 9.000 |
| Rangli qog‘oz | 15.000 | 5.000 | 4.000 | 11.300 | 7.000 |
| Rangli karton | 15.000 | 8.000 | 8.000-12.000 | 12.400 | 9.000 |
| Katakli 12 varaqli daftar | 800 | 700 | 600-800 | 700 | 2.000 |
| Yo‘l-yo‘l 12 varaqli daftar | 800 | 700 | 600-800 | 700 | 2.000 |
| Akvarel bo‘yoq | 18.000-25.000 | 20.000 | 12.000-22.000 | 23.000 | 20.000 |
| Oddiy qalamlar | 18.000 | 2.000 | 1.000-2.000 | 2.000 | 3.000 |
| Rangli qalamlar | 15.000-25.000 | 20.000 | 10.000-22.000 | 21.700 | 14.000 |
| Daftarga jildlar (25 ta) | 15.000 | 10.000 | 10.000 | 22.700 | 9.000 |
| O‘chirg‘ich | 5.000 | 3.000 | 2.000 | 5.000 | 2.000 |
| Albom | 10.000 | 8.000 | 4.000-14.000 | 21.000 | 3.000 |
| Plastilin | 18.000-30.000 | 12.000 | 8.000-16.000 | 15.3000 | 15.000 |
| Kitob uchun jildlar | 25.000 | 20.000 | 10.000-22.000 | 11.400 | 5.000 |
| Portfel | 120.000-300.000 | 85.000-300.000 | 100.000-300.000 | 194.000-566.500 | 143.000-349.000 |
Maktab tovarlarini ulgurji sotib oladiganlarga maslahat
Agar kanselyariya tovarlarini Toshkentda ulgurji sotib olishni rejalashtirayotgan bo‘lsangiz, u holda “Quyoshli” (“Solnechniy”) kanselyariya bozoriga borganingiz ma’qul. Keng tanlov mavjud va katta hajmdagi xaridlar sababli sotuvchilar chegirma qiladi.
Toshkentda kanselyariya tovarlarini ham onlayn, ham oflayn xarid qilish mumkin. Vaqtni behuda sarflashni yoqtirmaydiganlar uchun onlayn xarid mos keladi.
Tovarni ushlab ko‘rib, savdolashishni yaxshi ko‘radiganlar ishonch bilan eng yaqin bozorga borishi mumkin.
Xariddan oldin tovarlarni jonli ravishda ko‘rishni xohlaydigan uchun esa ixtisoslashgan do‘konlarga tashrif buyurishni maslahat beramiz.
Izoh (0)