Ёз деярли тугамоқда ва мактабга тайёргарлик кўриш вақти келди. Янги ўқув йилига тайёргарлик кўп харажатлар ва стресс билан бирга кечади. “Дарё” жамоаси болага канцелярия товарларини олиб бериш қанчага тушиши ва уларни қаердан сотиб олиш афзалроқ бўлишини ўрганди.
Мактаб учун керакли анжомлар рўйхати
Энг қиммат харидлар дўконларда амалга оширилади. Юнусобод туманининг “Универсам” савдо мажмуасидаги қаторда ва “Кадишева” бозорида канцелярия товарлари ўртача нархда баҳоланмоқда.
Тошкентдаги энг арзон канцелярия моллари Юнусобод бозоридаги мактаб бозорида кузатилди. Аммо онлайн дўконлардаги нарх бундай эмас. Баъзи маҳсулотларни онлайн харид қилиш фойдали бўлса, баъзиларини офлайн сотиб олиш фойда келтиради.
Қуйида нархларнинг тўлиқ рўйхати келтирилган:
*Барча нархлар бир товар бирлиги учун ўзбек сўмида кўрсатилган
“Кадишева” | “Универсам” | Юнусобод бозори | Дўкон | Онлайн дўкон | |
| Қайчи | 10.000 | 10.000 | 5.000-8.000 | 10.200 | 3.000 |
| Чизғич | 5.000 | 4.000 | 3.000 | 12.200 | 4.000 |
| Клей | 8.000 | 4.000 | 4.000 | 5.600 | 5.000 |
| Кўк ручка | 3.000 | 1.500 | 1.000 | 1.500 | 2.000 |
| Яшил ручка | 2.000 | 1.500 | 1.000 | 1.500 | 2.000 |
| Қалам очқич | 5.000 | 4.000 | 4.000 | 3.900 | 9.000 |
| Рангли қоғоз | 15.000 | 5.000 | 4.000 | 11.300 | 7.000 |
| Рангли картон | 15.000 | 8.000 | 8.000-12.000 | 12.400 | 9.000 |
| Катакли 12 варақли дафтар | 800 | 700 | 600-800 | 700 | 2.000 |
| Йўл-йўл 12 варақли дафтар | 800 | 700 | 600-800 | 700 | 2.000 |
| Акварел бўёқ | 18.000-25.000 | 20.000 | 12.000-22.000 | 23.000 | 20.000 |
| Оддий қаламлар | 18.000 | 2.000 | 1.000-2.000 | 2.000 | 3.000 |
| Рангли қаламлар | 15.000-25.000 | 20.000 | 10.000-22.000 | 21.700 | 14.000 |
| Дафтарга жилдлар (25 та) | 15.000 | 10.000 | 10.000 | 22.700 | 9.000 |
| Ўчирғич | 5.000 | 3.000 | 2.000 | 5.000 | 2.000 |
| Альбом | 10.000 | 8.000 | 4.000-14.000 | 21.000 | 3.000 |
| Пластилин | 18.000-30.000 | 12.000 | 8.000-16.000 | 15.3000 | 15.000 |
| Китоб учун жилдлар | 25.000 | 20.000 | 10.000-22.000 | 11.400 | 5.000 |
| Портфел | 120.000-300.000 | 85.000-300.000 | 100.000-300.000 | 194.000-566.500 | 143.000-349.000 |
Мактаб товарларини улгуржи сотиб оладиганларга маслаҳат
Агар канцелярия товарларини Тошкентда улгуржи сотиб олишни режалаштираётган бўлсангиз, у ҳолда “Қуёшли” (“Солнечний”) канцелярия бозорига борганингиз маъқул. Кенг танлов мавжуд ва катта ҳажмдаги харидлар сабабли сотувчилар чегирма қилади.
Тошкентда канцелярия товарларини ҳам онлайн, ҳам офлайн харид қилиш мумкин. Вақтни беҳуда сарфлашни ёқтирмайдиганлар учун онлайн харид мос келади.
Товарни ушлаб кўриб, савдолашишни яхши кўрадиганлар ишонч билан энг яқин бозорга бориши мумкин.
Хариддан олдин товарларни жонли равишда кўришни хоҳлайдиган учун эса ихтисослашган дўконларга ташриф буюришни маслаҳат берамиз.
Изоҳ (0)