O‘zbekiston Ichki ishlar vazirligi blogerlar Sanjar Ikromov va Sherali Komilovni qidiruvga berdi. Bu haqda vazirlikka tayanib “Gazeta.uz” xabar berdi.
Xabar berilishicha, ularning ism-shariflari Ichki ishlar vazirligi saytining tegishli bo‘limida e’lon qilingan. Sanjar Xo‘ja taxallusi bilan tanilgan Sanjar Ikromov siyosat, iqtisod va psixologiya mavzularida yozadi va gapiradi. Hozirda Turkiyada yashaydi. U 1988-yilda tug‘ilgan, YouTube’da 200 mingdan ortiq, Telegram’da 18,3 ming, Facebook’da 29 ming obunachisi bor.
Unga nisbatan Jinoyat kodeksining 168-moddasi 3-qismi “a” bandi (juda ko‘p miqdordagi firibgarlik) bo‘yicha ayblov e’lon qilingan.
Ikkinchi qidiruvdagi bloger Sherali Komilov “Detektiv Uz” YouTube kanali muallifi, 17,8 ming obunachi, Facebook’da — 8140 kuzatuvchiga ega. U asosan ijtimoiy mavzularni ko‘tarib chiqadi. Uning ko‘plab postlarida diniy bloger Abror Abduazimov (Abror Muxtor Aliy) tanqid qilinadi. Bloger 1979-yil tug‘ilgan.
Unga nisbatan Jinoyat kodeksining 168-modda 3-qismi “b” bandi (firibgarlik) hamda 140-moddasi 3-qismining “a” bandi (haqorat qilish jabrlanuvchini o‘z xizmat yoki fuqarolik burchini bajarishi munosabati bilan bog‘liq holda) bo‘yicha ayblov e’lon qilingan.
Izoh (0)