Nogironlik nafaqasi yoshidan qatʼi nazar, ish stajiga ega bo‘lmagan, I yoki II guruh nogironligi bo‘lgan shaxs deb topilganlarga tayinlanadi. Bu haqda Pensiya jamg‘armasi maʼlumot berdi.
Foto: “Daryo”
Qayd etilishicha, 18 yoshgacha bo‘lgan nogironligi bor bolalarga nafaqa hamda parvarishlash nafaqasi Kambag‘allikni qisqartirish va bandlik vazirligi tomonidan Pensiya jamg‘armasining “Pensiya” axborot tizimiga yuborilgan elektron maʼlumotlari asosida “proaktiv shakl”da tayinlanadi.
Nogironlik, boquvchisini yo‘qotganlik va yoshga doir nafaqalar davlat xizmatlari markazlari orqali murojaat qilinganda, Sog‘liqni saqlash vazirligi, Maktabgacha va maktab taʼlimi vazirligi, Adliya vazirligi hamda Kambag‘allikni qisqartirish va bandlik vazirligi tomonidan Pensiya jamg‘armasining “Pensiya” axborot tizimiga yuborilgan elektron maʼlumotlar asosida tayinlanadi, — deyiladi manba maʼlumotida.
Hozirda I guruh nogironlik nafaqasi miqdori 833 750 so‘mni, II guruh nogironlik nafaqasi miqdori 747 000 so‘mni tashkil qiladi.
Avvalroq O‘zbekistonda pensiya tayinlash tartibi haqida maʼlumot berilgandi.
Mavzuga doir: Bolalar nafaqasi va moddiy yordamni tayinlash yoki to‘lash tartibi qanday?
Izoh (0)