Alibaba korporatsiyasi Namanganda mintaqaviy markaz ochishni rejalashtirmoqda

Namangan viloyati hokimi Shavkat Abdurazzoqov Xitoyning Alibaba korporatsiyasi vitse-prezidenti Kris Chjou boshchiligidagi delegatsiyani qabul qildi. Bu haqda “Daryo” muxbiri Azizbek Abduvaliyev xabar bermoqda.

Kris Chjou Namanganni tekstil, sanoat, IT va qishloq xo‘jaligi mahsulotlari eksportini yo‘lga qo‘yish uchun mintaqaviy markaz sifatida ko‘rayotganini bildirdi.

“Namangan aholi zich bo‘lgan Farg‘ona vodiysining muhim va qulay nuqtasida joylashgan. Shuningdek, zarur infratuzilma, malakali mutaxassislarga egamiz. Bu omillar xitoylik hamkorlarni qiziqtiradi, degan umiddamiz”, — dedi Shavkat Abdurazzoqov.

Uchrashuvdan so‘ng viloyat hokimi mehmonlarni mintaqaviy markaz uchun tavsiya etilayotgan IT-Park Namangan filialidagi bino-inshootlar bilan tanishtirdi.