Iordaniya bu mavsumda uchinchi qirollik to‘yini nishonlamoqda. Bu safar qirol Abdulla II ning farzandlaridan biri emas, jiyani turmush qurmoqda.
Yozning birinchi kunida bo‘lajak qirol valiahd shahzoda Husayn uylandi. Ushbu marosimga butun dunyodan mashhur mehmonlar kelishdi. 12-may kuni esa uning singlisi malika Imon turmushga chiqdi.
Qirol Abdulla II ning jiyani Talal Al Solih Dana Sishanga uylandi. Juftlik noyabr oyi oxirida unashtirilganliklarini e’lon qildi, oradan bir necha hafta o‘tgach, unashtirish marosimi o‘tkazilib, kuyov omma oldida kelinning barmog‘iga uzuk taqdi. Darvoqe, uning akasi Abdul ham taxminan xuddi shu paytda unashtirilgan.
Dana nikoh marosimida qaymoqrangli libos kiygan, uning etak qismi patlar bilan bezatilgan. U marosim uchun kumushrangli oyoq kiyim tanlagan. Shuningdek, Dana sarg‘ish va oltin rangdagi xonada binafsharang kostyum kiygan bo‘lajak qaynonasi 66 yoshli malika Aliyaning yonida turib suratga tushgan. Dananing onasi o‘rtacha uzunlikdagi qora ko‘ylak kiygan.
Talal Al Solih — malika Aliya bint Husayn va Sayid Muhammad Al Solihning o‘g‘li.
Talal va Dana nikoh marosimini yozda o‘tkazishdi. Malika Aliya bint Al Husayn ijtimoiy tarmoqlardagi sahifasiga qarindoshlarining ishtirokidagi marosimdan bir nechta fotosuratlar, jumladan, oq ko‘ylak kiygan kelinning mehmonlar bilan gaplashayotganda yaxshi kayfiyatda bo‘lgani aks etgan suratlarini joylashtirgan.
Boshqa suratda malika Rajva Al Husayn och pushti rangdagi Paco Rabanne (qiymati 1 100 dollar) libosida o‘zining turmush o‘rtog‘i, valiahd shahzoda Husayn bin Abdulloh II bilan turgani aks etgan.
Qirollik oilasi a’zolari bayram sharafiga kechki ziyofat uyushtirgan, chunki ayrim suratlarda yangi turmush qurgan juftliklar va ularning mehmonlari boshqacha uslubda kiyingan (xuddi shunday holatni Iordaniyaning bo‘lajak qiroli va malikasi marosimida ham kuzatish mumkin edi). Suratda Rajva ham, Husayn ham qora rangda butunlay o‘zgarganini ko‘rish mumkin.
Izoh (0)