Turk kino olamidagi aktyorlar bilan bog‘liq yangiliklar hamisha muxlislarga qiziq bo‘lib kelgan. Tomoshabinlar turk seriallarini ko‘rish bilan birga ulardagi aktyorlarning faoliyati va shaxsiy hayoti bilan bog‘liq ma’lumotlarni kuzatib boradi. Quyida 2023-yilning eng yuqori gonorar olgan aktyorlari va ularning qaysi serialda suratga tushishi haqida ma’lumot beriladi.
Kivanch Tatlitug‘ — bitta seriya uchun 37 ming dollar
Kivanch Tatlitug‘ uzoq vaqt davomida mashhurligini saqlab qolgan iste’dodli turk aktyorlaridan biri hisoblanadi. U 2022-yilda faqat internet-seriallarda ishtirok etgan bo‘lsa, 2023-yilda teleserialdagi bosh rol bilan tomoshabinlarni xursand qiladi. Uzoq vaqtdan beri Kivanchning “Agar qirol yutqazsa” seriali bilan ekranlarga qaytishi haqida mish-mishlar yurgan edi, biroq oxirida aktyor loyihaning vaqti noaniqligi sababli unda suratga tushishdan bosh tortdi. Hozirda esa u “Oila” melodramasida bosh rolni o‘ynashi, Serenay Sarikaya esa uning partnyori bo‘lishi haqida ma’lumotlar mavjud.
Engin Akyurek — bitta seriya uchun 18 ming dollar
Keyingi o‘rinni “Elchining qizi” va “Qochish” seriallari yulduzi Engin Akyurek egallagan. Bu aktyorning eng ko‘p gonorar oluvchi aktyorlar ro‘yxatiga birinchi yil kiritilishi emas.
2022-yilda Engin “Qochish” nomli internet-serialida rol o‘ynadi. Raqamli format aktyorga to‘liq mos kelganga o‘xshaydi, chunki u hozirda boshqa internet serialiga — “Mening ismim Farah”da suratga tushishga rozi bo‘lgan. Tomoshabinlar Engin Akyurek ishtirokidagi yangi loyihani 2023-yilda ko‘rishadi.
Demet O‘zdemir — bitta seriya uchun 18 ming dollar
Demet O‘zdemir 2023-yilda eng yuqori gonorar olgan aktyorlar ro‘yxatida uchinchi o‘rinni egallagan. Bu aktrisaning bitta seriyada ishtirok etishi kino prodyuserlarga 18 ming dollarga tushadi. U 2022-yilda “Dunyo va mening o‘rtamda” serialida rol o‘ynadi, bu loyiha unga butun dunyo bo‘ylab muxlislar orttirishiga yordam berdi.
Demet 2023-yilda “Mening ismim Farah” serialida suratga tushadi. Shuningdek, uning “Dunyo va mening o‘rtamda” loyihasining ikkinchi mavsumida ishtirok etishi tasdiqlandi.
Serenay Sarikaya — bitta seriya uchun 18 ming dollar
Serenay 2022-yilda ko‘proq internet loyihalarida suratga tushishni ma’qul ko‘rgan aktrisalardan biri. Tez orada uning ishtirokidagi “Shohmoron” seriali ekranlarga chiqadi.
2023-yilni esa aktrisa “Oila” serialida suratga tushish bilan boshlaydi. Ta’kidlash joizki, bosh rollarda yuqori gonorar oluvchi aktyorlar ishtirok etadi, shu sababli teleloyiha yangi yilda eng yuqori budjetli loyihalardan biriga aylanadi.
Hande Erchel — bitta seriya uchun 11 ming dollar
“Eshigimni qoq” seriali yulduzi Hande Erchel 2023-yilda ekranlarga qaytadi, 2022-yilda esa aktrisa asosiy daromadini ko‘plab reklama kompaniyalari bilan hamkorlikda ishlash orqali topdi.
Hozircha u ishtirokidagi yangi loyiha sir saqlanmoqda, biroq millionlab tomoshabinlar go‘zal turk aktrisasining ekranlarga qaytishini kutmoqda.
Ebru Shahin — bitta seriya uchun 11 ming dollar
“Beqaror” va “Afsona” seriallari yulduzi Ebru Shahin o‘zining ishlash qobiliyati bilan hayratga soladi va bu unga ajoyib natijalarni beradi. Ebru 2023-yilda birdaniga ikkita loyihada suratga tushdi. Ulardan biri “Jentlmen” filmi bo‘lsa, ikkinchisi “Hayot eleksiri” teleserialidir.
Birje Akalay — bitta seriya uchun 9 ming dollar
Birje Akalay oxirgi intervyularining birida internet-serialida suratga tushish unga keraklicha erkinlik berishini aytdi, shuning uchun u aynan shunday loyihalarni tanlashga harakat qiladi. U 2022-yilda “Qush parvozi” va “Qabriston” seriallarida suratga tushgan va hozirda “Qush parvozi”ning ikkinchi faslini suratga olish jarayonlarida ishtirok etmoqda.
Neslihan Atagul — bitta seriya uchun 9 ming dollar
“Tun oxirida” seriali yulduzi Neslihan Atagul ham ushbu ro‘yxatdan joy olgan. Hozircha Neslihan teleseriallarni tanlagan kam sonli yuqori gonorar oladigan aktrisalardan biri bo‘lib qolmoqda. Hozircha Neslihan internet platformalari bilan hamkorlik qilish haqida xabar bermagan. Dastlabki ma’lumotlarga ko‘ra, “Tun oxirida” serialining suratga olish ishlari 2023-yilning yoziga qadar davom etadi.
Ibrohim Chelikko‘l — bitta seriya uchun 9 ming dollar
2023-yilda Ibrohim Chelikko‘l “Oila” serialida bosh rolni ijro etishi mumkin edi, biroq u “Qush parvozi” dramasining ikkinchi mavsumini suratga tushishni tanladi. Internet-seriallar jadvali aktyorga o‘g‘li bilan ko‘proq vaqt o‘tkazish imkonini beradi.
Izoh (0)