Yevropaning qator futbol klublari nazorat o‘yinlarida ishtirok etdi.
Fransiyaning “Lans” jamoasi “Old Trafford”da “Manchester Yunayted”ga qarshi bahs olib bordi. Uchrashuvning 23-daqiqasida Florian Sotoka hisobni ochdi. Birinchi bo‘lim fransuz klubining g‘alabasi bilan yakunlandi.
Ikkinchi bo‘limning boshida mankunianliklar muvozanatni tikladi. 48-daqiqada Markus Reshford o‘z hisobiga gol yozdirib qo‘ydi. 53-daqiqada Antoni “qizil iblislar”ni hisobda oldinga olib chiqdi. Oradan 6 daqiqa o‘tib, Kazemiro “Manchester Yunayted”ning navbatdagi goliga mualliflik qildi. Qolgan daqiqalarda gol urilmadi va Manchester klubi g‘alaba qozondi.
Qayd etib o‘tish joiz, o‘zbekistonlik futbolchi Abduqodir Husanov 86-daqiqada maydonga tushdi.
O‘rtoqlik o‘yini
5-avgust, shanba
“Manchester Yunayted” Angliya – “Lans” Fransiya 3:1
Gollar: 0:1 – 23 Sotoka, 1:1 – 48 Reshford, 2:1 – 53 Antoni, 3:1 – 59 Kazemiro.
“Manchester Yunayted”: Onana, Diogu Dalot, Varan, Martines, Shou, Kazemiro, Brunu Fernandesh, Maunt, Antoni (Forson, 81), Garnacho (Sancho, 68), Reshford.
“Lans”: Samba, Gradi (Abduqodir Husanov, 86), Danzo, Medina, Machado (Aydara, 72), Frankovski (Sishuba, 85), Tomasson (David Koshta, 73), Fyuljeni (Gilavogi, 73), Abdul-Samed (Spirings, 72), Diuf (El-Enaui, 85), Sotoka (Kortes, 85).
Izoh (0)