Ўртоқлик ўйини. “Манчестер Юнайтед” “Ланс” устидан ишончли ғалабага эришди, Абдуқодир Ҳусанов захирадан майдонга тушди 

Европанинг қатор футбол клублари назорат ўйинларида иштирок этди.

Франциянинг “Ланс” жамоаси “Олд Траффорд”да “Манчестер Юнайтед”га қарши баҳс олиб борди. Учрашувнинг 23-дақиқасида Флориан Сотока ҳисобни очди. Биринчи бўлим француз клубининг ғалабаси билан якунланди.

Иккинчи бўлимнинг бошида манкунианликлар мувозанатни тиклади. 48-дақиқада Маркус Рэшфорд ўз ҳисобига гол ёздириб қўйди. 53-дақиқада Антони “қизил иблислар”ни ҳисобда олдинга олиб чиқди. Орадан 6 дақиқа ўтиб, Каземиро “Манчестер Юнайтед”нинг навбатдаги голига муаллифлик қилди. Қолган дақиқаларда гол урилмади ва Манчестер клуби ғалаба қозонди.

Қайд этиб ўтиш жоиз, ўзбекистонлик футболчи Абдуқодир Ҳусанов 86-дақиқада майдонга тушди. 

Ўртоқлик ўйини

5 август, шанба

“Манчестер Юнайтед” Англия – “Ланс” Франция 3:1

Голлар: 0:1 – 23 Сотока, 1:1 – 48 Рэшфорд, 2:1 – 53 Антони, 3:1 – 59 Каземиро.

“Манчестер Юнайтед”: Онана, Диогу Далот, Варан, Мартинес, Шоу, Каземиро, Бруну Фернандеш, Маунт, Антони (Форсон, 81), Гарначо (Санчо, 68), Рэшфорд.

“Ланс”: Самба, Гради (Абдуқодир Ҳусанов, 86), Данзо, Медина, Macҳадо (Айдара, 72), Франковски (Сишуба, 85), Томассон (Давид Кошта, 73), Фюлжени (Гилавоги, 73), Абдул-Самед (Спирингс, 72), Диуф (Эл-Энауи, 85), Сотока (Кортес, 85).