Тошкентнинг айрим ҳудудларида 4 август куни электр энергияси таъминоти вақтинча тўхтатилади. Бу ҳақда “Ҳудудий электр тармоқлари” АЖ Тошкент шаҳар филиали ахборот хизмати хабар берди.
Унга кўра, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш, куз-қиш мавсумига пухта тайёргарлик кўриш мақсадида эртага, 4 август куни қуйидаги манзилларда электр таъминоти вақтинча ўчирилади:
- Янгиҳаёт тумани: “Дўстлик” МФЙнинг айрим кўчаларида соат 09:00 дан 17:00 гача;
- Мирзо Улуғбек тумани: “Аҳиллик” МФЙнинг айрим кўчаларида соат 10:00 дан 17:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Шунингдек, таъмирлаш ишлари сабабли 4 август куни соат 10:00 дан 18:00 га қадар учта туманда табиий газ таъминоти вақтинча тўхтатилади:
Мирзо Улуғбек тумани
- “Темурийлар” МФЙ Ватан 1, 2, 3, 4, 5, 6, 7-тор кўчалари;
- Табассум кўчаси;
- Матонат кўчаси;
- Сой бўйи кўчаси;
- Бунёдкор 1, 2, 3, 4-тор кўчаларидаги жами: 837 та ерли хонадонлар.
Бектемир тумани
- “Нурафшон” МФЙда қисман.
Сергели тумани
- Учувчилар мавзесида қисман;
- “Қумариқ” маҳалласида қисман;
- “Олтин водий” МФЙда қисман.
Июль охирларида Яшнобод, Олмазор, Миробод, Яккасарой, Шайхонтоҳур, Чилонзор ва Сергели туманларининг баъзи ҳудудларида юклама сабаб электр энергияси таъминотига вақтинча чекловлар киритилган эди. Август бошларида эса Тошкентнинг қатор туманларида электр, иссиқ сув ва газ таъминотлари вақтинча тўхтатилган.
Изоҳ (0)