Uzbekistan Airports E-auksion.uz platformasida Toshkent aeroportida taksi operatorlariga joy ijarasi uchun uchta lot joylashtirdi.
Taksi xizmati aeroportning umumiy uchish zali, CIP uchib kelish zali, va mahalliy aviaqatnovlar uchib kelish zali uchun alohida tanlanadi. Barcha lotlar uchun batafsil texnik shartlar belgilangan bo‘lib, kompaniyalar ularga rioya qilishlari majburiy.
Xususan:
- ariza beruvchi kompaniyaning yoshi uch yildan ortiq bo‘lmagan, benzinda ishlaydigan yoki elektromobillarga ega o‘z avtomashinalari parki bo‘lishi;
- o‘zbek, rus va ingliz tillarida boshlang‘ich bilimga ega malakali haydovchilarni ishga olishi;
- avtomobillar brendlangan, haydovchilar esa kompaniyaning maxsus ish kiyimida bo‘lishi;
- kompaniya yo‘lovchilarga barcha to‘lov shakllari — naqd pul va mahalliy va xorijiy to‘lov tizimlarining bank kartalari bilan to‘lash imkoniyatini ta’minlashi kerak.
Har uchala lot bo‘yicha savdolar 17-avgust kuni E-auksion.uz saytida bo‘lib o‘tadi. Kimoshdi savdosida texnik topshiriqda ko‘rsatilgan talablarga javob beradigan barcha manfaatdor kompaniyalar ishtirok etishi mumkin.
Izoh (0)