Тошкент аэропортида яна учта такси хизмати пайдо бўлади

Uzbekistan Airports E-auksion.uz платформасида Тошкент аэропортида такси операторларига жой ижараси учун учта лот жойлаштирди.

Такси хизмати аэропортнинг умумий учиш зали, CIP учиб келиш зали, ва маҳаллий авиақатновлар учиб келиш зали учун алоҳида танланади. Барча лотлар учун батафсил техник шартлар белгиланган бўлиб, компаниялар уларга риоя қилишлари мажбурий.

Хусусан:

• ариза берувчи компаниянинг ёши уч йилдан ортиқ бўлмаган, бензинда ишлайдиган ёки электромобилларга эга ўз автомашиналари парки бўлиши;
• ўзбек, рус ва инглиз тилларида бошланғич билимга эга малакали ҳайдовчиларни ишга олиши;
• автомобиллар брендланган, ҳайдовчилар эса компаниянинг махсус иш кийимида бўлиши;
• компания йўловчиларга барча тўлов шакллари — нақд пул ва маҳаллий ва хорижий тўлов тизимларининг банк карталари билан тўлаш имкониятини таъминлаши керак.

Ҳар учала лот бўйича савдолар 17 август куни E-auksion.uz сайтида бўлиб ўтади. Кимошди савдосида техник топшириқда кўрсатилган талабларга жавоб берадиган барча манфаатдор компаниялар иштирок этиши мумкин.