Qashqadaryo viloyatining Mirishkor tumaniga yangi hokim tayinlandi.
Xalq deputatlari Mirishkor tumani kengashining bugun, 3-avgust kuni bo‘lib o‘tgan navbatdagi sessiyasida hozirga qadar agrosanoat ustidan nazorat qilish inspeksiyasi Qashqadaryo viloyati boshqarmasi boshlig‘i lavozimida ishlab kelgan G‘ulomov Fayzullo Qurbonovich tuman hokimligiga tavsiya qilingan va Xalq deputatlari Mirishkor tumani kengashi deputatlari tomonidan qo‘llab-quvvatlangan.
Fayzullo G‘ulomov 1974-yilda Toshkent viloyatining Bo‘ka tumanida tug‘ilgan. Qarshi muhandislik-iqtisodiyot institutini tamomlagan. U agrosanoat ustidan nazorat qilish inspeksiyasi Qashqadaryo viloyati boshqarmasi boshlig‘i lavozimida 2020-yil 17-martdan beri faoliyat yuritib kelar edi.
Tumanning sobiq hokimi Sherali Sanayev prezident tanqidiga uchrab, lavozimidan olingandi.
Izoh (0)