Janluijji Buffon faoliyatini yakunlaganini ma’lum qildi.
45 yoshli darvozabon “Parma” bilan shartnomasini bekor qildi va faoliyatini tugatdi.
Buffon professional faoliyatini aynan “Parma” jamoasida 1995-yilda boshlagan edi. 2001-yilda esa “Yuventus” safiga o‘tib, 2018-yilga qadar turinliklar sharafini himoya qilgan. Shundan so‘ng “PSJ”dagi bir mavsumdan so‘ng yana Turin klubiga qaytgandi.
2010-yilda esa Italiya terma jamoasi sardoriga aylangan va 2018-yilda terma jamoadagi faoliyatini tugatgan edi. Janluijji 5 marta Jahon Chempionatida ishtirok etgan (1998, 2002, 2006, 2010 va 2014). 2006-yilda mundial chempioniga aylanib, turnirning eng yaxshi darvozaboni maqomini qo‘lga kiritgan.
Buffon so‘nggi ikki mavsumdan buyon “Parma” sharafini himoya qilib, B seriyada 44 ta o‘yinda ishtirok etgan.
Izoh (0)