Расман: 45 ёшли Жанлуижжи Буффон фаолиятини якунлади 

Жанлуижжи Буффон фаолиятини якунлаганини маълум қилди.

45 ёшли дарвозабон “Парма” билан шартномасини бекор қилди ва фаолиятини тугатди.

Буффон профессионал фаолиятини айнан “Парма” жамоасида 1995 йилда бошлаган эди. 2001 йилда эса “Ювентус” сафига ўтиб, 2018 йилга қадар туринликлар шарафини ҳимоя қилган. Шундан сўнг “ПСЖ”даги бир мавсумдан сўнг яна Турин клубига қайтганди.

2010 йилда эса Италия терма жамоаси сардорига айланган ва 2018 йилда терма жамоадаги фаолиятини тугатган эди. Жанлуижжи 5 марта Жаҳон Чемпионатида иштирок этган (1998, 2002, 2006, 2010 ва 2014). 2006 йилда мундиал чемпионига айланиб, турнирнинг энг яхши дарвозабони мақомини қўлга киритган. 

Буффон сўнгги икки мавсумдан буён “Парма” шарафини ҳимоя қилиб, Б серияда 44 та ўйинда иштирок этган.