“Surxon” futbolchisi Dostonbek Tursunov Shotlandiya klubiga o‘tishi mumkin

O‘zbekistonlik futbolchi Dostonbek Tursunov Shotlandiya klubiga o‘tadi. Bu haqida “Surxon” klubi matbuot xizmati ma’lum qildi.

“Iyul oyida “Surxon” Xitoyga yig‘in o‘tkazish uchun jo‘nab ketdi va u yerda ko‘plab futbolsevar muxlislar jamoaga muxlislik qildi. Shuningdek, futbolchilarni Yevropadan skautlar kuzatib kela boshladi. Shu jumladan, Shotlandiyaning “Livingston” futbol klubi Dostonbek Tursunovga qiziqish bildirib, ko‘rikdan o‘tish uchun Shotlandiyaga taklif qildi.

“Surxon” klubi matbuot xizmati

“Livingston” Shotlandiya oliy ligasi vakili bo‘lib, 2022/23 mavsumida jamoa 6-o‘rinni egallagan.

Agar Doston Tursunov ko‘rikdan muvaffaqiyatli o‘tsa va uning harakatlari “Livingston” murabbiylarga mos kelsa, Tursunov Shotlandiya chempionatida faoliyatini davom etirish mumkin. Shu bilan birga, Shotlandiya chempionatida ishtirok etgan tarixdagi ilk o‘zbek futbolchisiga ham aylanishi mumkin.