Қозоғистоннинг Остона шаҳрида эркак парашютдан сакраши оқибатида вафот этди. Бу ҳақда Tengrinews хабар берди.
58 ёшли эркак парашютдан сакрашдан кейин оғир жароҳатлар олган. Жабрланувчи кўп тармоқли шифохонанинг жонлантириш бўлимига ётқизилган, бироқ шифокорлар уни сақлаб қолишга улгурмаган.
“31 июль куни Олмаота туманидаги полиция навбатчи бўлимига кўп тармоқли шаҳар шифохонасидан бемор реанимация бўлимида вафот этгани ҳақида хабар келиб тушди.
Аниқланишича, 58 ёшли эркак тез ёрдам машинасида Остона—Кўкшетов шоссеси бўйида жойлашган парашют клубидан оғир тан жароҳатлари билан шифохонанинг жонлантириш бўлимига олиб кетилган”, — дейилади хабарда.
Мазкур ҳолат юзасидан терговга қадар суриштирув олиб борилиб, зарур суд-тиббий экспертизалари тайинланган. Жиноят-процессуал кодексининг 201-моддасига асосан бошқа маълумотлар ошкор этилмаган.
Аввалроқ Иссиқкўлда эркак парашют билан чархпалак аттракционига илиниб қолганди. Ҳодисага эркакнинг парашют бошқарувини йўқотиб қўйгани сабаб бўлган. Эркак жароҳат олгани ёки йўқлиги маълум қилинмаган.
Изоҳ (0)