Бухоро вилояти Пешку туманида бир туп ўрик дарахтини кесиб ташлаган мактаб қоровули жазоланди. Бу ҳақда вилоят Экология бошқармаси ахборот хизмати хабар берди.
Унга кўра, Бухоро вилояти Экология бошқармаси Пешку туман бўлими инспекторлари томонидан навбатдаги назорат рейд тадбири ўтказилди. Олиб борилган назорат рейд тадбирлари давомида Пешку тумани “Куёвхўжа” МФЙ ҳудудида жойлашган 39-сонли умумий ўрта таълим мактаби ҳовлисидан мактаб қоровули томонидан 1 туп ўрик дарахти кесиб ташлангани аниқланди.
Ҳуқуқбузарликни содир этган мактаб қоровулига нисбатан Маъмурий жавобгарлик тўғрисидаги кодекснинг 79-моддаси 1-қисми билан маъмурий баённома расмийлаштирилиб,1 миллион 650 сўм жарима қўлланилди.
Изоҳ (0)