O‘zbekiston prezidentining qarori bilan Umid Shodiyev Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi raisi lavozimiga tayinlandi. Bu haqda prezident matbuot kotibi xabar berdi.
Bungacha Umid Shodiyev O‘zbekistonning UNESCO huzuridagi doimiy vakili lavozimida ishlagan.
Oldinroq O‘zbekiston prezidentining farmoni bilan Ozodbek Nazarbekov madaniyat vaziri lavozimiga tasdiqlangani to‘g‘risida xabar berilgandi.
Prezidentning “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi farmoni bilan 2023-yil 1-yanvardan Vazirlar Mahkamasi tarkibidagi vazirliklar 25 tadan 21 taga qisqartirilgandi. Farmonga muvofiq Ekologiya va atrof-muhitni muhofaza qilish qo‘mitasi Tabiat resurslari vazirligiga aylantirilgandi.
O‘zbekiston prezidentining 31-maydagi farmoni bilan Tabiat resurslari vazirligi Ekologiya, atrof-muhitni muhofaza qilish va iqlim o‘zgarishi vazirligi deb qayta nomlandi.
Izoh (0)