O‘zbekistonda vazirliklar soni qisqartirildi — ro‘yxat

Prezidentning “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi farmoni qabul qilindi.

Xususan, farmonga ko‘ra vazirliklar sonini 25 tadan 21 tagacha qisqartirish bo‘yicha taklif ma’qullandi. Vazirlar Mahkamasi tizimini quyidagi vazirliklar tashkil etadi:

1. Investitsiyalar, sanoat va savdo vazirligi;
2. Iqtisodiyot va moliya vazirligi;
3. Tog‘-kon va geologiya vazirligi;
4. Qurilish va uy-joy kommunal xo‘jaligi vazirligi;
5. Kambag‘allikni qisqartirish va bandlik vazirligi;
6. Oliy ta’lim, fan va innovatsiyalar vazirligi;
7. Maktabgacha va maktab ta’limi vazirligi;
8. Tabiat resurslari vazirligi;
9. Yoshlar siyosati va sport vazirligi;
10. Qishloq xo‘jaligi vazirligi;
11. Suv xo‘jaligi vazirligi;
12. Raqamli texnologiyalar vazirligi;
13. Adliya vazirligi;
14. Transport vazirligi;
15. Madaniyat va turizm vazirligi;
16. Mudofaa vazirligi;
17. Energetika vazirligi;
18. Sog‘liqni saqlash vazirligi;
19. Tashqi ishlar vazirligi;
20. Ichki ishlar vazirligi;
21. Favqulodda vaziyatlar vazirligi.