O‘zbekiston prezidentining farmoni bilan Ozodbek Nazarbekov madaniyat vaziri lavozimiga tasdiqlandi. Bu haqda prezident matbuot kotibi ma’lum qildi.
Ilgariroq Ozodbek Nazarbekovning nomzodi Oliy Majlis Qonunchilik palatasi deputatlari tomonidan maʼqullangan edi.
Oliy Majlis Qonunchilik palatasi matbuot xizmatiga ko‘ra, majlisda Ozodbek Nazarbekov madaniyat sohasidagi islohotlarning samaradorligini ta’minlash maqsadida kelgusida amalga oshiriladigan ishlari bo‘yicha o‘z Harakatlar dasturi haqida axborot bergan.
Ozodbek Nazarbekov 2020-yil 22-yanvar kuni Oliy Majlis Qonunchilik palatasi tomonidan O‘zbekiston madaniyat vaziri lavozimiga ma’qullangan, 24-yanvar kuni esa Prezident tomonidan tasdiqlangan edi. U bungacha madaniyat vazirining birinchi o‘rinbosari edi.
2022-yil dekabrda prezidentning “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi farmoni bilan mamlakatdagi vazirliklar soni qisqartirilgan edi. O‘shanda Madaniyat va Turizm vazirliklari qo‘shib yuborilgan va Ozodbek Nazarbekov unga rahbar etib tayinlangandi.
Izoh (0)