Toshkent viloyati Olmaliq shahrida erkak ikki yosh bolani axloqsiz harakatlar qilishga majburlagandi. Bosh prokuratura holat yuzasidan jinoyat ishi qo‘zg‘atilganini e’lon qildi.
Surishtiruv davomida ushbu shaxs ruhiy kasalliklar dispanserida ro‘yxatda turishi aniqlangandi. Respublika tibbiy ijtimoiy ekspertiza inspeksiyaning tegishli maʼlumotiga ko‘ra, fuqaro bolaligidan ikkinchi guruh nogironi.
Toshkent viloyati IIBB holat yuzasidan yaqinlari bilan o‘tkazilgan profilaktik suhbat va tergovga qadar surishtiruv davomida uning hozirgi holati mutaxassislar tomonidan o‘rganilib, davolanishi uchun Olmaliq shahridagi ruhiy asab kasalliklari dispanseriga joylashtirilganini ma’lum qilgandi.
Bosh prokuratura bergan axborotga ko‘ra, ushbu erkakka nisbatan Jinoyat kodeksining 129-moddasi (o‘n olti yoshga to‘lmagan shaxsga nisbatan uyatsiz-buzuq harakatlar qilish) bilan jinoyat ishi qo‘zg‘atildi. Mazkur jinoyat ishi bo‘yicha Olmaliq shahar IIB TB tomonidan dastlabki tergov harakatlari amalga oshirilmoqda.
Surishtiruv davomida aniqlanishicha, fuqaro Piskent tumanida doimiy yashaydi va qayd etilganidek ruhiy kasalliklar dispanserida “D” nazoratda turadi. Voqea sodir bo‘lgan kuni oila a’zolari bilan Olmaliq shahriga to‘y marosimiga kelgan va u yerda spirtli ichimlik iste’mol qilgan. So‘ng to‘yxonadan chiqib ketib yosh bolalarga nisbatan yuqoridagi harakatni sodir qilgan.
Izoh (0)