Milliarder Ilon Mask Twitter logotipidagi qush tasviri o‘zgarishini ma’lum qildi. Bu haqda o‘z tvitida xabar berdi.
Mask ijtimoiy tarmoqdagi sahifasida logotip o‘zgarishi haqida tvit qoldirdi.
“Tez orada biz Twitter brendi va asta-sekin barcha qushlar bilan xayrlashamiz”, — deb yozdi u.
Iyun oyi boshida Mask hozirgi ijtimoiy tarmoq nomi va ko‘k qush logotipi X harfi bilan almashtirilishi mumkinligi haqidagi rebrending rejalarini tasdiqlagandi. Milliarder qushni X harfi bilan almashtirish imkoniyatini ko‘rib chiqmoqda.
— gorklon rust (@elonmusk) July 23, 2023
Mask, shuningdek, Twitter’da “Platformaning standart rangini qora rangga o‘zgartirish” bo‘yicha so‘rovnoma o‘tkazgan.
“Agar bugun kechqurun yetarlicha yaxshi X logotipi nashr etilsa, ertaga biz uni butun dunyo bo‘ylab ishga tushiramiz”, — degan milliarder.
Shu bilan birga, aprel oyida Twitter Inc kompaniyasi bosh qarorgohi Nevada shtatida joylashgan X Corporation tomonidan yuritilishi ma’lum bo‘ldi. Keyinchalik Mask The Babylon Bee Talks nashriga bergan intervyusida u “tasviriy brendlarga ishonishini va X har qanday narsani anglatishi mumkin”ligini aytdi.
Tadbirkorning so‘zlariga ko‘ra, Twitter’ni keng formatdagi videolar, fotosuratlar va matnlarni chop etish platformasi sifatida tasavvur qilish ijtimoiy tarmoqning qisqa xabarlar almashinuvi sifatidagi dastlabki chegarasidan oshadi. Mask “Twitter buning uchun to‘g‘ri brend bo‘lmasligi mumkin”ligini ham ilgari surgan.
Izoh (0)