Миллиардер Илон Маск Twitter логотипидаги қуш тасвири ўзгаришини маълум қилди. Бу ҳақда ўз твитида хабар берди.
Маск ижтимоий тармоқдаги саҳифасида логотип ўзгариши ҳақида твит қолдирди.
“Тез орада биз Twitter бренди ва аста-секин барча қушлар билан хайрлашамиз”, — деб ёзди у.
Июнь ойи бошида Маск ҳозирги ижтимоий тармоқ номи ва кўк қуш логотипи Х ҳарфи билан алмаштирилиши мумкинлиги ҳақидаги ребрендинг режаларини тасдиқлаганди. Миллиардер қушни Х ҳарфи билан алмаштириш имкониятини кўриб чиқмоқда.
— Elon Musk (@elonmusk) July 23, 2023
Маск, шунингдек, Twitter’да “Платформанинг стандарт рангини қора рангга ўзгартириш” бўйича сўровнома ўтказган.
“Агар бугун кечқурун етарлича яхши Х логотипи нашр этилса, эртага биз уни бутун дунё бўйлаб ишга туширамиз”, — деган миллиардер.
Шу билан бирга, апрель ойида Twitter Inc компанияси бош қароргоҳи Невада штатида жойлашган Х Corporation томонидан юритилиши маълум бўлди. Кейинчалик Маск The Babylon Bee Talks нашрига берган интервьюсида у “тасвирий брендларга ишонишини ва Х ҳар қандай нарсани англатиши мумкин”лигини айтди.
Тадбиркорнинг сўзларига кўра, Twitter’ни кенг форматдаги видеолар, фотосуратлар ва матнларни чоп этиш платформаси сифатида тасаввур қилиш ижтимоий тармоқнинг қисқа хабарлар алмашинуви сифатидаги дастлабки чегарасидан ошади. Маск “Twitter бунинг учун тўғри бренд бўлмаслиги мумкин”лигини ҳам илгари сурган.
Изоҳ (0)