Italiya shimolida bir necha kunlik jaziramadan so‘ng kuchli do‘l yog‘di. Ko‘chalarda muz bo‘laklari daryo bo‘lib oqdi.
The Guardian nashrining yozishicha, Italiya shimolidagi Lombardiya va Veneto hududlari kuchli do‘ldan jabr ko‘rgan.
Serenyo (Lombardiya) ko‘chalarida kuchli yog‘ingarchilik natijasida muz bo‘laklari bilan qoplangan “daryolar” paydo bo‘ldi. Ijtimoiy tarmoqlarda tarqalayotgan videoda birinchi qavatdagi poyabzal do‘konining egasi suv va muzni tashqariga chiqarib, binolarni saqlab qolishga urinayotgani, kimsasiz ko‘cha bo‘ylab muz bo‘laklari suzayotganini ko‘rish mumkin.
Venetoda yog‘gan do‘lning diametri 10 santimetrga yetdi. Kuchli do‘l tufayli yuzdan ortiq odam jabrlandi. Hudud gubernatori Luka Zaya favqulodda holat e’lon qildi.
Izoh (0)