Hindiston don mahsulotlari narxining keskin oshishiga yo‘l qo‘ymaslik uchun guruch eksportini taqiqladi. Mamlakatda guruch taqchilligi hosil yetishmasligi sababli yuzaga keldi. Bu haqda BBC xabar berdi.
Hindistonda 2022-yil davomida ichki bozorda boshoqli don mahsulotlari narxi 11 foizdan oshdi. Oq guruch mamlakatning jami guruch eksportining to‘rtdan bir qismini tashkil qiladi.
Mutaxassislar fikricha, Hindiston hukumatining bu qadami butun dunyoda oziq-ovqat narxining oshishiga olib kelishi mumkin. Hargreaves Lansdown investitsiyalar tahlili va tadqiqotlari bo‘limi boshlig‘i Emma Uoll tegishli fikrni tasdiqlagan. Hindiston dunyodagi eng yirik guruch eksportchisi bo‘lib, dunyo ta’minotining 40 foizdan ortig‘ini tashkil qiladi.
Bundan tashqari, guruch Osiyo va Afrika davlatlaridan ham eksport qilinadi. O‘tgan yili Hindiston hukumati xorijdagi savdoni to‘xtatish uchun 20 foiz eksport bojini joriy qildi. Mamlakat bug‘doy va shakar yetkazib berishni ham cheklagan. Rossiyaning don kelishuvidan chiqishi tufayli oziq-ovqat ta’minoti ham bosim ostida.
Ma’lumot o‘rnida,
- Hindiston O‘zbekistonning asosiy guruch importchilaridan biri hisoblanadi.
- Statistika agentligining 2021-yilgi ma’lumotlariga ko‘ra, O‘zbekiston eng ko‘p guruch import qilgan davlatlar Qozog‘iston – 27,5 ming tonna, Pokiston – 248,2 tonna, Xitoy – 60 tonna, Rossiya – 18,2 tonna hisoblangan.
Izoh (0)