Ispaniyaning Villyarroya munitsipaliteti saylovchilari ovoz berish tezligi bo‘yicha rekord o‘rnatdi. Ular saylov jarayoni boshlanishi bilan 26 soniyada ovoz berib bo‘lishdi.
Jami munitsipalitetda yetti nafar saylovchi ro‘yxatga olingan. 28-may kuni bo‘lib o‘tgan saylovda ular 29 soniyada ovoz berishga muvaffaq bo‘lgan bo‘lsa, endilikda ular o‘z ko‘rsatkichlarini uch soniyaga yaxshilashdi, deb xabar beradi El Mundo.
Ispaniyada 23-iyul kuni Bosh Kortes (ikki palatali parlament) saylovlari boshlandi. Oldinroq Bosh vazir Pedro Sanches tomonidan parlamentni tarqatib yuborilgan va muddatidan oldin umumxalq saylovlari tayinlangan edi.
Izoh (0)