Associated Press agentligining xabar berishicha, Gretsiya hukumati o‘rmon yong‘inlari ostida qolgan Rodos orolidan 19 mingga yaqin odamni evakuatsiya qildi.
Politsiya ma’lumotlariga ko‘ra, oroldan 16 ming kishi havo orqali, yana 3 ming kishi dengiz orqali chiqib ketishga muvaffaq bo‘lgan. Gap 12 qishloq va bir qancha mehmonxonalarda yashagan odamlar haqida ketmoqda. Gretsiya hukumati bu mamlakat tarixidagi eng yirik bunday operatsiya ekanini ma’lum qildi.
O‘rmon yong‘inlarini joylarda 266 nafar o‘t o‘chiruvchi 49 ta maxsus texnika yordamida o‘chirishga harakat qilmoqda. Ularga havodan o‘nta samolyot yordam beryapti.
Gretsiya so‘nggi kunlarda anomal jazirama to‘lqiniga duch keldi. Bu Rodos va mamlakatning boshqa qismlarida o‘rmon yong‘inlariga olib keldi.
Izoh (0)