Ҳиндистон дон маҳсулотлари нархининг кескин ошишига йўл қўймаслик учун гуруч экспортини тақиқлади. Мамлакатда гуруч тақчиллиги ҳосил етишмаслиги сабабли юзага келди. Бу ҳақда BBC хабар берди.
Ҳиндистонда 2022 йил давомида ички бозорда бошоқли дон маҳсулотлари нархи 11 фоиздан ошди. Оқ гуруч мамлакатнинг жами гуруч экспортининг тўртдан бир қисмини ташкил қилади.
Мутахассислар фикрича, Ҳиндистон ҳукуматининг бу қадами бутун дунёда озиқ-овқат нархининг ошишига олиб келиши мумкин. Hargreaves Lansdown инвестициялар таҳлили ва тадқиқотлари бўлими бошлиғи Эмма Уолл тегишли фикрни тасдиқлаган. Ҳиндистон дунёдаги энг йирик гуруч экспортчиси бўлиб, дунё таъминотининг 40 фоиздан ортиғини ташкил қилади.
Бундан ташқари, гуруч Осиё ва Африка давлатларидан ҳам экспорт қилинади. Ўтган йили Ҳиндистон ҳукумати хориждаги савдони тўхтатиш учун 20 фоиз экспорт божини жорий қилди. Мамлакат буғдой ва шакар етказиб беришни ҳам чеклаган. Россиянинг дон келишувидан чиқиши туфайли озиқ-овқат таъминоти ҳам босим остида.
Маълумот ўрнида,
- Ҳиндистон Ўзбекистоннинг асосий гуруч импортчиларидан бири ҳисобланади.
- Статистика агентлигининг 2021 йилги маълумотларига кўра, Ўзбекистон энг кўп гуруч импорт қилган давлатлар Қозоғистон – 27,5 минг тонна, Покистон – 248,2 тонна, Хитой – 60 тонна, Россия – 18,2 тонна ҳисобланган.
Изоҳ (0)