Xitoy “Tyanmu-1” guruhiga mansub to‘rtta meteorologik sun’iy yo‘ldoshini orbitaga muvaffaqiyatli olib chiqdi. Ular turli atmosfera zarralari haqidagi ma’lumotlarni to‘playdi hamda dunyo okeanlari, atmosfera va ionosferadagi o‘zgarishlarni kuzatib boradi, deb yozdi TASS.
Qurilmalar Pekin vaqti bilan 11:20 da Gansu provinsiyasidagi Szyusyuan kosmodromidan uchirilgan Kuaychjou-1A raketasi yordamida fazoga olib chiqildi. Parvoz to‘liq muvaffaqiyatli deb e’lon qilindi.
“Tyanmu-1” guruhining dastlabki ikkita sun’iy yo‘ldoshi joriy yilning yanvar oyida, yana to‘rttasi esa mart oyida orbitaga chiqarildi.
9-iyul kuni Xitoyning Long March 2C raketasi tajribaviy sun’iy yo‘ldoshni Yer orbitasiga muvaffaqiyatli olib chiqqandi. Qurilma Xitoy kosmik texnologiyalar akademiyasi tomonidan ishlab chiqilgan bo‘lib, internet texnologiyalarini sinab ko‘rish uchun mo‘ljallangan.
14-iyul kuni Xitoy Mudofaa vazirligi AQSHni ikki tomonlama harbiy aloqalar muzlatib qo‘yilgan bir paytda koinotni harbiylashtirishda ayblab chiqqandi.
Izoh (0)