Хитой “Тяньму-1” гуруҳига мансуб тўртта метеорологик сунъий йўлдошини орбитага муваффақиятли олиб чиқди. Улар турли атмосфера зарралари ҳақидаги маълумотларни тўплайди ҳамда дунё океанлари, атмосфера ва ионосферадаги ўзгаришларни кузатиб боради, деб ёзди ТASS.
Қурилмалар Пекин вақти билан 11:20 да Гансу провинциясидаги Сзюсюань космодромидан учирилган Куайчжоу-1А ракетаси ёрдамида фазога олиб чиқилди. Парвоз тўлиқ муваффақиятли деб эълон қилинди.
“Тяньму-1” гуруҳининг дастлабки иккита сунъий йўлдоши жорий йилнинг январь ойида, яна тўрттаси эса март ойида орбитага чиқарилди.
9 июль куни Хитойнинг Long March 2C ракетаси тажрибавий сунъий йўлдошни Ер орбитасига муваффақиятли олиб чиққанди. Қурилма Хитой космик технологиялар академияси томонидан ишлаб чиқилган бўлиб, интернет технологияларини синаб кўриш учун мўлжалланган.
14 июль куни Хитой Мудофаа вазирлиги АҚШни икки томонлама ҳарбий алоқалар музлатиб қўйилган бир пайтда коинотни ҳарбийлаштиришда айблаб чиққанди.
Изоҳ (0)