Qashqadaryo viloyati Ko‘kdala tumanida ichida ikki fuqaro bo‘lgan Isuzu ag‘anab ketdi. FVV axborot xizmati holat yuzasidan ma’lumot berdi.
Unga ko‘ra, holat 19-iyul kuni soat 14:02 da G‘uzor–Samarqand yo‘nalishida A-378 yo‘lining 90-kilometrida sodir bo‘lgan. Isuzu haydovchisi boshqaruvni yo‘qotishi oqibatida yo‘l chetiga ag‘anab, avtomashina saloni ichidagi 2 nafar fuqaro qisilib qolgani to‘g‘risida xabar kelib tushgan.
Zudlik bilan 1 ta yong‘in-qutqaruv bo‘linmasi voqea joyiga yetib borib, qutqaruvchilar tomonidan atrofdagi odamlar yordamida jabrlangan 2 nafar fuqaro avtomashina ichidan olib chiqildi va tuman Tibbiyot birlashmasiga yuborildi.
Izoh (0)