Bosh prokurorning buyrug‘iga asosan 1-darajali yurist Sheroz Abrayev Baxmal tuman prokurori lavozimiga tayinlandi. Bu haqda Jizzax viloyati prokuraturasi xabar berdi.
Sheroz Abrayev tayinlovga qadar viloyat prokuraturasida bo‘lim boshlig‘i lavozimida ishlagan.
Shuningdek, adliya maslahatchisi Ulug‘bek Shonazarov G‘allaorol tuman prokurori lavozimiga tayinlandi.
Ulug‘bek Shonazarov tayinlovga qadar viloyat prokuraturasida bo‘lim boshlig‘i lavozimida ishlagan.
Adliya kichik maslahatchisi Samandar Razzoqov esa Do‘stlik tuman prokurori lavozimiga tayinlandi.
Samandar Razzoqov tayinlovga qadar G‘allaorol tuman prokurori lavozimida ishlagan.
Bosh prokurorning buyrug‘iga asosan adliya kichik maslahatchisi Akbar Sakiyev Mirzacho‘l tuman prokurori lavozimiga tayinlandi.
Akbar Sakiyev tayinlovga qadar Do‘stlik tuman prokurori lavozimida ishlagan.
Bundan tashqari, adliya maslahatchisi Jamshid Qo‘shilov viloyat prokuraturasining ekologiya, atrof-muhitni muhofaza qilish va o‘rmon xo‘jaligi sohasidagi qonunchilik ijrosi ustidan nazorat bo‘limi boshlig‘i lavozimiga tayinlandi. Tayinlovga qadar u Mirzacho‘l tuman prokurori lavozimida ishlagan.
Izoh (0)