Shvetsiya Ukrainaning Yevropa Ittifoqiga qo‘shilishiga homiylik qiladi.
Yevropa Ittifoqiga kirish talablaridan kelib chiqib amalga oshirish kerak bo‘lgan islohotlar uchun Shvetsiya Kiyevga 590 million dollarga yaqin mablag‘ ajratadi. Bu haqda Reuters xabar bermoqda.
Iyun oyida Yevrokomissar Terri Breton Yevropa Ittifoqi Ukrainadagi jangovar harakatlar bir necha yilga cho‘zilishiga tayyorgarlik ko‘rayotganini ma’lum qilgandi.
“Biz bu urush uzoq davom etishiga tayyorlanyapmiz. Afsuski, Yevropada jangovar harakatlar intensiv bo‘lgan urushlar ilgari bir necha yil davom etgan. Shuning uchun biz bunga tayyorlanyapmiz”, — degandi RMC radiosi efirida.
Shuningdek, o‘tgan haftada Yevropa Ittifoqi Ukrainani qo‘llab-quvvatlash siyosatida “sakrash” qilishni rejalashtirayotgani haqida xabar qilindi.
Xosep Borrel raisligidagi Yevropa diplomatik xizmati Ukrainaning havo hujumidan mudofaa tizimini mustahkamlash va ilg‘or qurollarni xarid qilish uchun ajratiladigan mablag‘ni oshirishga yordam bermoqchiligi aytilgan.
Izoh (0)