Iyun oyi Yevropa mamlakatlarida qayd etilgan eng issiq oy bo‘ldi. Bu haqda Bloomberg xabar berdi.
Qayd etilishicha, jazirama odamlar hayotini xavf ostiga qo‘ygan va elektr tarmoqlarining ortiqcha yuklanishiga sabab bo‘lgan, shuningdek, o‘rmon yong‘inlarining kelib chiqishiga sabab bo‘lgan.
Agentlikning yozishicha, janubiy Yevropaning katta qismida kuchli jazirama davom etmoqda. Masalan, Italiya va Ispaniyada havo harorati 40 darajadan oshishi mumkin. Aniqlik kiritilishicha, jaziramaning pasayishi hozircha prognoz qilinmagan. Kelasi hafta Shimoliy Afrikadan kelayotgan issiqlik to‘lqini Janubiy va Markaziy Yevropada havo haroratining yanada oshishiga olib kelishi kutilmoqda.
Iyun oyida Butunjahon meteorologiya tashkiloti (WMO) 2023-yilning yozi Yevropa va butun sayyora uchun rekord darajada eng issiq bo‘lishi mumkinligini ta’kidlagandi. Kelajakda haroratning ko‘tarilish tendensiyasi o‘sishda davom etishi qayd etildi.
Izoh (0)