Isroil bosh vaziri Binyamin Netanyaxu Tel-Aviv chekkasida to‘satdan yiqilib tushganidan so‘ng tez yordam bo‘limiga yotqizildi. Bu ma’lumotni The Jerusalem Post gazetasiga hukumat rahbarining idorasi tasdiqladi.
Netanyaxu joylashtirilgan Sheba tibbiyot markazi manbalariga ko‘ra, bosh vazir Kesariyadagi uyda bo‘lganida hushini yo‘qotgan, natijada u yiqilib, boshi bilan urilgan. Shuningdek, u ko‘krak qafasida og‘riq his qilgani aytilmoqda.
Kasalxonaga kelganida Netanyaxu allaqachon hushida bo‘lgan. Xabar qilinishicha, uning ahvoli yaxshi va miya diagnostikasi jarayonidan o‘tgan. Shifokorlar siyosatchining yuragini ham tekshirishdi.
Tekshiruv tafsilotlari oshkor etilmadi, biroq Netanyaxuning idorasi jurnalistlarga xabar berishicha, shifokorlar g‘ayrioddiy hech narsa topishmagan. Bosh vazir hushini yo‘qotishining asosiy sababi sifatida issiq ob-havo sharoitida suvsizlanish ko‘rsatilmoqda.
Izoh (0)