Janubiy Koreyada kuchli yomg‘ir tufayli yuzaga kelgan suv toshqinlari va ko‘chkilar qurbonlari soni 32 kishiga yetdi, yana 10 kishi bedarak yo‘qolgan, deb xabar berdi Yonhap agentligi.
Avvalroq 21 kishi halok bo‘lgani va 10 kishi bedarak yo‘qolganligi haqida xabar berilgan edi.
Janubiy Koreyada o‘tgan haftadan beri kuchli yomg‘irlar davom etmoqda. Koreya meteorologiya boshqarmasi ma’lumotlariga ko‘ra, seshanba kunidan hozirgi kunga qadar bir qancha hududlarda 470 millimetrdan ortiq yomg‘ir yog‘gan.
Suv toshqinlari tufayli 211 ta yo‘l, jumladan, milliy avtomagistrallar, shuningdek, 20 ta milliy bog‘dagi piyodalar yo‘laklari yopilgan. Mamlakatning markaziy hududlarini boshqa hududlar bilan bog‘lovchi tezyurar poyezdlar va muntazam poyezdlar harakati to‘xtatildi.
Deyarli 6000 kishi hali ham evakuatsiya markazlarida qolmoqda, ular hali uylariga qayta olishmaydi.
Meteorologlarning prognozlariga ko‘ra, bir qator markaziy va janubiy viloyatlarda yomg‘ir seshanba kuniga qadar davom etadi. Mutaxassislarning ogohlantirishicha, bu hududlarda 300 millimetrgacha qo‘shimcha yog‘ingarchilik yog‘ishi mumkin.
Izoh (0)