“Vest Hem” futbolchisi Deklan Rays faoliyatini “Arsenal”da davom ettiradi.
“Kanonirlar” 24 yoshli futbolchi bilan uzoq yillik shartnoma imzolaganini ma’lum qildi.
“Arsenal” futbolchi uchun 100 million funt va yana bonus sifatida 5 million to‘lab beradi. Ushbu transfer “kanonirlar” tarixidagi eng qimmati hisoblanadi. Shu kunga qadar “Arsenal”ning 2019-yilda “Lill”dan 72 million funtga xarid qilgan yarim himoyachisi Nikolya Pepe eng qimmat transfer edi.
Rays o‘tgan mavsum APLda 37 ta o‘yin o‘tkazib, 4 ta gol va 2 ta golli uzatmaga mualliflik qilgan.
Izoh (0)