Professional boksning super og‘ir vazn toifasida WBA Super, IBF, WBO va IBO kamarlari sohibi Oleksandr Usik ikki vazn toifasida UFC sobiq chempioni Konor Makgregorni jangga chorladi.
Hozircha hech qanday ambitsiyalarim yo‘q. Meni faqatgina Tayson Fyuriga qarshi jang qiziqtirmoqda.
Konor ortiqcha vazn olganini ko‘rdim. Ey Konor, kel “Uembli”da jang uyushtiramiz.
Ukrainalik bokschi so‘nggi jangini 2022-yil 20-avgust kuni Entoni Joshuaga qarshi o‘tkazib, g‘alaba qozongan edi.
Makgregor esa so‘nggi jangini 2021-yil iyul oyi Dastin Poryega qarshi o‘tkazib, oyog‘ini sindirib olgandi. Porye texnik nokaut evaziga g‘alaba qozongan edi.
Avvalroq professional boksning super og‘ir vazn toifasida WBC chempioni Tayson Fyuri sobiq UFC jangchisi Frensis Ngannuga qarshi jang qilishi xabar qilingandi.
Izoh (0)