AQSH Kongressining Vakillar palatasi 2024-moliya yili uchun 886 milliard dollarlik milliy mudofaa qonunini tasdiqladi, deya xabar bermoqda The Hill.
Mudofaa budjeti loyihasini 219 kishi qo‘llab-quvvatladi, 210 kishi esa qarshi ovoz berdi. Nashr qonun loyihasining qabul qilinishini Vakillar palatasi spikeri Kevin Makkarti va palatada ko‘pchilikni tashkil etgan respublikachilarning katta g‘alabasi deb atadi.
Demokratlar tomonidan nazorat qilinadigan Senat kelasi seshanba kuni o‘zining milliy mudofaa to‘g‘risidagi qonun loyihasini ovozga qo‘yishi rejalashtirilgan. Keyin ikkala palata yakuniy qonun loyihasini muhokama qiladi. Shundan so‘ng qonun loyihasi AQSH prezidenti Jo Baydenga imzo uchun olib kiriladi.
The New York Times qayd etishicha, 886 milliard dollarlik budjet loyihasida Xitoy va Rossiyaga qarshi turish chora-tadbirlari, AQSHning Ukrainaga ko‘rsatayotgan yordamini nazorat qiluvchi maxsus bosh inspektor tayinlanishi va AQSH harbiylari sonini 5,2 foizga oshirish ko‘zda tutilgan.
Izoh (0)