Сурхондарёда ғалладан бўшаган ер майдонларини ёқиб юборганлар жавобгарликка тортилмоқда. Бу ҳақда вилоят Экология бошқармаси ахборот хизмати хабар берди.
Унга кўра, Экология бошқармасининг тезкор гуруҳи томонидан Қумқўрғон туманида ўтказилган назорат тадбирлари давомида бир қанча фермер хўжаликларига тегишли далаларда ғалладан бўшаган ер майдонларини ёқиб юборганлик ҳолатлари аниқланди. Жумладан, Қумқўрғон туманида фаолият юритаётган “Бўстон Фирдавс” фермер хўжалигига қарашли ғалладан бўшаган 10 гектар ер майдони такрорий экин экиш мақсадида ёқиб юборилган.
Мазкур ҳолатга йўл қўйган фермер хўжалиги раҳбари Ф.Сафаровга нисбатан Маъмурий жавобгарлик тўғрисидаги кодекснинг 88-моддаси 3-қисмига асосан маъмурий баённома расмийлаштирилди. Ушбу ҳолатда тупроқ унумдорлигига 21 миллион 286 минг 980 сўм зарар етказилган.
Тумандаги “Ҳожимурод Маматрайим” фермер хўжалигига тегишли ғалладан бўшаган 10 гектар ер майдони такрорий экин экиш мақсадида ёқиб юборилган. Мазкур ҳолатда фермер хўжалиги раҳбари Ф.Маматрайимовга нисбатан Маъмурий жавобгарлик тўғрисидаги кодекснинг 88-моддаси 3-қисмига асосан маъмурий баённома расмийлаштирилди. Ушбу ҳолат билан тупроқ унумдорлигига 17 миллион 548 минг 113 сўм зарар етказилган.
Навбатдаги рейд тадбирлари давомида “Элсевар Нурли Замин“ фермер хўжалигида ҳам ғалладан бўшаган, 5 гектар ер майдони такрорий экин экиш мақсадида ёқиб юборилгани аниқланди. Мазкур ҳолат юзасидан фермер хўжалиги раҳбари У.Тоштемировга нисбатан Маъмурий жавобгарлик тўғрисидаги кодекснинг 88-моддаси 3-қисмига асосан маъмурий баённома расмийлаштирилди. Бу ҳолат билан тупроқ унумдорлигига 8 миллион 774 минг 055 сўм зарар етказилган.
Рейд тадбирлари давомида ана шундай ҳолатларнинг навбатдагиси “Какайди пахтакор” фермер хўжалигида ҳам кузатилди. Ўрганишлар давомида фермер хўжалигига қарашли ғалладан бўшаган 10 гектар ер майдони такрорий экин экиш мақсадида ёқиб юборилгани аниқланди. Мазкур ҳолат юзасидан фермер хўжалиги раҳбари I.Эрназаровга нисбатан Маъмурий жавобгарлик тўғрисидаги кодекснинг 88-моддаси 3-қисмига асосан маъмурий баённома расмийлаштирилди. Бу ҳолат билан тупроқ унумдорлигига 17 миллион 520 минг 822 сўм зарар етказилган.
Кейинги ҳолат “Эшқобил Ҳожимурод” фермер хўжалигида аниқланди. Ўрганишлар давомида фермер хўжалигига қарашли ғалладан бўшаган 13 гектар ер майдони такрорий экин экиш мақсадида ёқиб юборилган. Мазкур ҳолат юзасидан фермер хўжалиги раҳбари Э.Қосимовга нисбатан Маъмурий жавобгарлик тўғрисидаги кодекснинг 88-моддаси 3-қисмига асосан маъмурий баённома расмийлаштирилди. Бу ҳолат билан тупроқ унумдорлигига 27 миллион 918 минг 690 сўм зарар етказилган.
Навбатдаги рейд тадбирлари давомида “Зилола-Руслан” фермер хўжалигига қарашли, ғалладан бўшаган, 7 гектар ер майдони такрорий экин экиш мақсадида ёқиб юборилгани аниқланди. Мазкур ҳолат юзасидан фермер хўжалиги раҳбари Б.Қурбоновга нисбатан Маъмурий жавобгарлик тўғрисидаги кодекснинг 88-моддаси 3-қисмига асосан маъмурий баённома расмийлаштирилди. Бу ҳолат билан тупроқ унумдорлигига 13 миллион 028 минг 722 сўм зарар етказилган.
Қумқўрғон туманида аниқланган ғалладан бўшаган ер майдонларини ёқиб юборганлик ҳолати бўйича табиатга етказилган зарар умумий ҳисоб-китоб қилинганда 106 миллион 074 мингни ташкил этди. Назорат тадбирлари вилоят бўйлаб давом этмоқда.
Изоҳ (0)