2023—2024-yilgi kuz-qish mavsumida ko‘plab turk seriallarining yangi mavsumi efirga uzatiladi. “Yandeks Dzen” mashhur loyihalar haqidagi so‘nggi yangiliklarni taqdim etdi.
Odatdagidek, may oyining oxirida turk kino olamidagi barcha loyihalarning asosiy mavsumi yakunlanadi. Iyun oyida yoz mavsumi boshlanadi. Bu yil Turkiyada ro‘y bergan zilzila tufayli loyihalarning kuz-qish mavsumida uzoq muddat tanaffus bo‘lgani uchun asosiy mavsum kechiktirildi. “Guljamol” va “Vidolashuv maktubi” seriallari ekranlardan deyarli yozning o‘rtalarigacha davom etdi. Yozgi yangi loyihalar ancha kechroq chiqdi, ularning yarmi iyul oyida ekranlarga chiqdi. Shuningdek, Fox TV telekanalida namoyish etiladigan “Qalb eshitmaydi” serialining premyerasi hali ham bo‘lib o‘tmadi.
Suratga olish ishlarida tanaffus e’lon qilingan loyihalar haqida yangiliklar e’lon qilindi. Loyihalarda aktyorlar tarkibi o‘zgarmoqda, ijodkorlar syujet chizig‘ini keskin o‘zgartirishni va’da qilmoqda. Ayrim keyingi mavsumi chiqarilishi kutilayotgan loyihalarning suratga olinishi qayta ko‘rib chiqilmoqda.
Yangi mavsumi suratga olinishi rejalashtirilayotgan loyihalar haqida nimalar ma’lum?
“Alparslon” serialining final qismi namoyish etilmagan bo‘lsa-da, suratga olish ishlarida tanaffus e’lon qilindi. Loyiha ijodkorlari uzoq vaqt davomida serialni yakunlash haqida o‘ylab ko‘rdi, chunki loyiha katta auditoriyani to‘pladi. Ijodkorlar Barish Arduchning tarixiy dostonning davomida ishtirok etish qarorini kutgan bo‘lishi ham mumkin. Umuman olganda, ijodkorlar loyihani yakunlashga qaror qildi, oxirgi epizodlar suratga olindi, biroq hali tomoshabinga ko‘rsatilmagan.
Serialning oxirgi qismi 17-iyul kuni namoyish etilishi haqida ma’lumotlar bor edi, biroq “Alparslon” telekanallarning keyingi haftadagi dasturiga kiritilmagan. Yakuniy sahnalar kuzning birinchi kunlarida, asosiy mavsumning boshqa loyihalari ekranlarda paydo bo‘lguncha namoyish etilishi ma’lum bo‘ldi.
Boshqa ma’lumotlarga ko‘ra, so‘nggi epizodlar Malazgirt jangi yakunlangani (1071-yilning 25-avgustida boshlangan va 26-avgustda turklarning to‘liq g‘alabasi bilan tugagan) bilan 26-avgust sanasida namoyish etiladi va “Alparslon” tarixiy serialining finali shu kunga to‘g‘ri keladi. Tarixiy serialni tomosha qilishni istagan loyiha muxlislari so‘nggi epizodlarni o‘tkazib yubormaslik uchun vaqti-vaqti bilan ijtimoiy tarmoqlarni tekshirib turishi kerak bo‘ladi.
Mavsum yakunida “Tashkilot” serialini uzaytirish masalasi paydo bo‘ldi. May oyi oxirida ko‘plab aktyorlar loyihani tark etdi, bosh rol ijrochilari Murat Yildirim va Deniz Baysal bilan yangi mavzumning shartnomasi imzolanmagan. Aktyorlarning shartnoma imzolash bosqichida ekani haqida ma’lumotlar bor, katta ehtimol bilan, tomonlar rozi bo‘lsa, loyihaning yana bir mavsumi ekranlarga uzatiladi.
“Hukm” serialining keyingi mavsumida syujetda ancha vaqtdan keyin sodir bo‘ladigan voqealar taqdim etilishi haqida ma’lumotlar bor. Keyingi mavsumdagi voqealar syujetdagi hozirgi voqealardan bir necha yil o‘tgach ro‘y beradi.
“Qo‘rg‘on sirlari” serialining yangi mavsumi haqida yangiliklar kam, hozircha aktyorlardan qaysi biri loyihani tark etishi va keyingi mavsumda kim qolishi aniq emas. Loyiha muallifi Gulseren Budayjio‘g‘luning so‘zlariga ko‘ra, voqealarning qanday rivojlanishi sir saqlanmoqda, ular intrigani oxirigacha ushlab turishmoqda. Biroq yangi mavsumda ham birinchisi mavsumdagidek janjal va qarama-qarshiliklar bo‘ladi. Seyranning oila a’zolari va Ferit o‘rtasidagi ziddiyat davom etadi. 2-mavsum premyerasi 22-sentabr kuni bo‘lib o‘tadi.
“Klyukvali sharbat” serialining aktyorlar tarkibiga yangi aktyorlar qo‘shiladi. Loyiha davom etar ekan, unga yana bir nechta yangi personajlar kiritiladi. Ko‘pchilik muxlislarni dahshatli baxtsiz hodisadan kim omon qolgani — Omermi yoki Kiviljimmi degan savol tashvishga solmoqda, biroq ijodkorlar intrigani oxirigacha ushlab turishadi. Oshiq juftlik rollarini ijro etgan aktyorlar Barish Kilich va Evrim Alasyaning hali ham loyihani tark etmadi. Muxlislar sevimli juftliklarining taqdiri haqida faqat kuzda bilib olishi mumkin.
“Bu dunyoga sig‘mayman” loyihasining keyingi mavsumda yangiliklar bo‘ladi. Ba’zi aktyorlarning ketishi sababli loyiha yopilishi mumkinligi haqida ma‘lumot paydo bo‘ldi. Pelin Akil va Pelin Uluksar loyihani tark etdi, rasmiy tasdiqlanmagan ma’lumotlarga ko‘ra, Oktay Kaynarjining yangi loyihasi bor.
Hozirda loyihaning hali ham keyingi mavsumda ekranlarga chiqarilishi haqida xabar bor. Qahramonlar soni sezilarli darajada oshadi, loyihaga yana 20 nafar aktyor qo‘shiladi. Jalb etilgan ijrochilar soni bo‘yicha eng katta loyiha “Bu dunyoga sig‘mayman” seriali bo‘lib qolishi mumkin. Bundan tashqari, tomoshabinlar syujetda hozirgi voqealardan ikki yil o‘tib keyin sodir bo‘ladigan voqealarni tomosha qiladi.
“Mening ismim Farah” serialida loyiha ijodkorlari va’da qilganidek, tomoshabinlar syujetdagi keskin burilishlarning guvohi bo‘ladi. Unda qanday voqealar sodir bo‘lishini esa kuzda bilib olish mumkin.
“Oila” serialining yangi mavsumi e’lon qilingan sanadan kechroq boshlanishi mumkin, chunki Serenay Sarikaya Netflixning “Kim ketdi, kim keldi” nomli loyihasida suratga tushmoqda. Aktrisa raqamli loyihadagi ishi tugaganidan keyin teleserialni ushbu serialda suratga tushishni boshlaydi.
Izoh (0)