Albatta, har bir aktyor yoki aktrisa o‘z qahramoniga o‘ziga xos xususiyatlarni beradi. Ammo bitta rolni o‘ynagan turli aktyorlar tomoshabinlarda ham o‘zgacha taassurot qoldiradi.
Chani
Frank Gerbertning “Dyuna” romanini kino formatiga moslashtirish juda qiyin bo‘lishiga qaramay, rejissorlar umidsizlikka tushmaydi va asarni o‘z versiyalari bo‘yicha suratga olishga harakat qilishadi. Masalan, 2000-yilda Chani rolini chex aktrisasi Barbora Kodetova o‘ynagan mini-serial ekranlarga chiqadi. U o‘z rolida juda tabiiy edi, filmning ba’zi joylarida u shafqatsizlik va qat’iyat ko‘rsatadi.
2021-yilda rejissor Deni Vilnyov “Dyuna”ning yangi versiyasini suratga oladi. Ba’zi tanqidchi va tomoshabinlar Chani roliga Zendeyaning tanlanganidan mamnun bo‘lmaydi. Ular aktrisaning zerikarli ekanini aytishadi. Biroq “Dyuna”dagi Zendayani yoqtirganlar ham bor. Ba’zi tanqidchilarning ta’kidlashicha, u qisqa vaqt ichida juda ko‘p his-tuyg‘ularni mahorat bilan namoyish eta olgan.
Mariya Antuanetta
1990-yilda Ute Lemper ishtirokidagi “Avstriyalik ayol” filmi ekranlarga chiqadi. Unda aktrisa hayotining so‘nggi kunlarini yashayotgan Mari Antoinette rolini o‘ynaydi. Tomoshabinlarning ta’kidlashicha, mazkur film malika haqidagi shunga o‘xshash filmlardan ko‘p jihatdan farq qiladi. Ammo uning asosiy yutug‘i Ute Lemperning o‘zi bo‘lib, u o‘z qahramoniga g‘ayrioddiy ta’sir ko‘rsata olgan, shuningdek, butun his-tuyg‘ularni — qayg‘u, asabiylik, umidsizlik, g‘azab va qo‘rquvni tomoshabinga yetkaza olgan.
16 yil o‘tgach, yangi “Mariya Antuanetta” filmi taqdim etiladi, undagi bosh rol Kirsten Danstga nasib etadi. Rejissor Sofiya Koppolaning so‘zlariga ko‘ra, bu film tarixiy haqiqatga da’vo qilmagan. Kirsten Danstning vazifasi Mariya Antuanettani xushchaqchaq o‘smir qizdan hafsalasi pir bo‘lgan xotingacha, mehribon ona va malikagacha tasvirlash edi. Aktrisa bu vazifani qoyilmaqom tarzda uddalaydi.
Elvis Presli
Elvis Presli haqida 10 dan ortiq film suratga olingan, shuning uchun ishonch bilan aytish mumkinki, bu qo‘shiqchining shaxsiyati kino ijodkorlarining e’tiborini tortadi. 1979-yilda “Elvis” filmi suratga olinadi, unda Kurt Rassell bosh rolni o‘ynaydi. Elvis hayotining ko‘p qismi mazkur filmda namoyish etilgan — musiqadagi ilk qadamlaridan tortib, estrada cho‘qqisini zabt etgunga qadar. Film turli xil baholarga sazovor bo‘ladi. Tanqidchilar asosan Rassellning ijrosi va kostyumlarining dizaynini maqtashadi.
2022-yilda bosh rolni Ostin Batler o‘ynagan “Elvis” filmi ekranlarga chiqadi. Ko‘plab tanqidchilar ushbu filmni ijobiy qabul qilishadi, ayniqsa, yosh aktyorning ajoyib ijrosini ta’kidlaydilar. Ulardan biri Ostin Batler tashqi ko‘rinishi va ovozi jihatidan Presli roliga juda mos kelishini yozgan.
Ester / Elli
“Yulduz tug‘ildi”ning 4 ta versiyasi mavjud. Birinchisi 1937-yilda Ester rolini Janet Gaynor o‘ynagan film bo‘lgan. Ko‘p yillar o‘tgach, ushbu kartina klassik Gollivud ertagi deb nomlanadi, bu film zamonaviy kinoga ta’sir o‘tkazadi. Ko‘pchilik Gaynorning qahramonini tasvirlashdagi tabiiyligini ta’kidlaydi.
Ba’zilarga esa 1954-yilgi Judi Garlend ijrosi yoqadi. U Esterni shunchalik sodda va samimiy tasvirlaydiki, aynan shu jihat aktrisani ushbu rol uchun ideal deb atashga imkon beradi. Ko‘pchilik bu filmning birinchi va ikkinchi versiyalari klassik ekanligiga qo‘shiladi.
1976-yilda Barbra Streyzand Ester sifatida paydo bo‘ladi. Ba’zilar aynan shu versiyani eng yomoni deb hisoblashadi, chunki qo‘shiqchi ijro etgan Ester personaji nihoyatda zerikarli chiqqan.
Nihoyat 2018-yilda Ledi Gaga ishtirokida “Yulduz tug‘ildi” filmining yangi versiyasi chiqdi. Ammo uning qahramoniga Elli nomi berildi. Ba’zi tanqidchilarning ta’kidlashicha, Ledi Gaga qahramonini shunchalik haqiqiy o‘ynaganki, uning o‘zi mashhur qo‘shiqchi ekanligini ham unutasiz.
Hidesaburo Ueno / Parker Uilson
“Xatiko hikoyasi” (1987) filmi 1920—1930-yillarda Yaponiyada sodir bo‘lgan real voqeaga asoslangan. Xatiko uzoq yillar kutgan professor Hidesaburo Ueno rolini Tatsuya Nakaday mohirona ijro etgan. 1987-yilda bu film Yaponiya bozorida birinchi o‘rinni egallaydi va bularning barchasi ko‘p jihatdan rolini mohirlik bilan o‘ynay olgan Nakaday tufaylidir.
22 yildan so‘ng yangi “Xatiko” filmi ekranlarga chiqadi, bosh rolni Richard Gir ijro etadi. Tanqidchilarning ta’kidlashicha, ushbu versiya yapon versiyasiga qaraganda ko‘proq sentimental va kamroq qayg‘uli.
Choliqushi
Rashod Nuri Guntekinning “Choliqushi” romaniga asoslangan filmlarning jami 4 ta varianti ma’lum. Birinchisi 1966-yilda chiqqan. Unda Feride rolini Turkan Shoray ijro etgan. Tomoshabinlar film ajoyib dramatik, qiziqarli va romantik chiqqanini ta’kidlaydi. Ko‘p jihatdan bunday e’tirofga aktrisa tufayli erishilgan.
1986-yilda Aydin Shener ishtirok etgan film suratga olinadi. Serial asosan bosh qahramonning sarguzashtlariga bag‘ishlangan, shuning uchun u birinchi filmga qaraganda biroz fojialiroq yakunlanadi. Shener ijrosidagi Feride serialning keyingi versiyasiga qaraganda ancha nafis edi.
2005-yilda u romanning XX asr boshidagi voqealarga emas, balki zamonaviy Istanbulda bo‘lib o‘tadigan “Yangi Choliqushi” teleseriali suratga olinadi. Ammo mazkur serial bizga ma’lum bo‘lmagan sabablarga ko‘ra bekor qilinadi.
2013-yilda Feride rolini Faxriye Evjen o‘ynaydi. Guntekin romanining so‘nggi talqini tom ma’noda unga yangi hayot bag‘ishlaydi, yangi avlod tomoshabinlarini ushbu sevgi hikoyasi bilan tanishtiradi. Bu serialda Evjen barcha qiyinchiliklarga dosh beradigan qat’iyatli va o‘jar qahramonni tasvirlaydi. Ayniqsa, uning sevgilisi Komron rolini ijro etgan Burak O‘zchivit bilan o‘rtasidagi muhabbat ta’sirli chiqqan.
Xadicha
Tomoshabinlarning ko‘pchiligi 2001-yildan 2002-yilgacha namoyish etilgan Braziliyaning “Klon” teleseriali bilan tanish. Ushbu serial nafaqat Braziliyada, balki boshqa mamlakatlarda ham hitga aylandi. Qahramonlardan biri Xadicha bosh qahramon bo‘lmasa-da, tomoshabinlar xotirasida saqlanib qoldi. Ushbu rol ijrochisi Karla Dias juda hissiyotli va xushchaqchaq qizcha edi. Aynan shu jihat tomoshabinlarning iliq his-tuyg‘ulariga sabab bo‘ladi.
2010-yilda ushbu serialning remeyki Kolumbiyada xuddi shu nom ostida chiqariladi. Yangi versiyada Xadicha rolini Valeriya Chagui ijro etgan. Biroq yosh aktrisa original serialdagi hamkasbi kabi quvnoq emasdi.
Izoh (0)