Toshkentda Costa Coffee xalqaro tarmog‘ining yangi qahvaxonasi ochildi. Yangi maskan poytaxt markazida, Markaz-1 mavzesida, Ekopark yaqinida joylashgan. Brend haqiqiy qahva ta'midan lazzat olish, xos desertlar va shakarsiz taomlardan tatib ko‘rishni taklif etadi.
13-iyul kuni Toshkentda Costa Coffee xalqaro tarmog‘ining ilk qahvaxonasi ochildi. Buyuk Britaniyaning ushbu brendi kattaligi bo‘yicha dunyoda ikkinchi, Buyuk Britaniyada esa, birinchi o‘rinda turadi. Qahvaxonaning menyusi nozik ta'bli qahvasevarlarni ham quvontiradi: qahvali ichimliklarning keng tanlovi (qaynoq va sovuq toifalarda 35 nomdan ziyod), sendvich va tostlar assortimenti, ko‘plab desertlar, jumladan, mashhur shokoladli maffinlar va buta mevasidan tayorlangan kekslar.
Boy tarixga ega Britaniya brendi
Costa Coffee brendining tarixi uzoq 1971-yildan boshlanadi, o‘shanda Italiyadan Londonga kelgan aka-uka Serxio va Bruno Kosta qahva qovurish bo‘yicha kichik ustaxona ochadilar. Aka-ukalarning maqsadi aniq edi: yaxshi, mazali va xushbo‘y qahva aralashmasini kashf etish. Buning uchun, Costa xos ta'mi bo‘lishga munosib variantni topgunga qadar, birma-bir 112 variantdagi qahvani sinab ko‘rishga to‘g‘ri keldi. Tanlangan blend (ikki va undan ko‘p qahva navlarining kupaji) past olovda qovurilgan mayin arabika va “kuchli” robusta donlari o‘rtasidagi ajoyib muvozanatga ega bo‘ldi va “Mokka Italiya” deb ataldi. Mana shu aralashma bugunda ham tarmoqning xos aralashmasi sanaladi.
Ishga bunday mas'uliyatli yondashuv tufayli, 1978-yilga keliboq qahvaga talab nihoyatda o‘sganligidan kattaroq binoga ko‘chib o‘tishga to‘g‘ri kelgani ajablanarli emas. 1981-yilda aka-uka Janubiy Londonda birinchi qahvaxonani ochdilar, bir necha yildan keyin esa, brend do‘konlari va qahvaxonalari ingliz bomondining uchrashuv joyiga aylandi. Bugungi kunda kompaniya brendi ostida dunyoning 33 ta mamlakatida to‘rt mingga yaqin qahvaxona ishlamoqda.
Costa Coffee – O‘zbekistonda
O‘zbekistonda loyiha “Best Coffee Chain” MChJ kompaniyasi tufayli ish boshlamoqda. U Costa Coffee International rasmiy franchayzing hamkorining vakili bo‘ldi.
“Xalqaro brendlar, ularning tajribasi va ekspertizasi butun umumiy ovqatlanish sohasiga yangi bosqichga chiqish, yangi ish o‘rinlari yaratish, uydan tashqarida ovqatlanish va qahva iste'mol qilish madaniyatini rivojlantirishda ko‘mak beradi”,- deydi loyiha rahbari Qayum Haydarov. “Biz bozorda ko‘plab qahvaxona tarmoqlari ishlashini bilamiz va ular bilan raqobatlashishdan mamnunmiz, chunki qahvasevarlarda tanlov qanchalik katta bo‘lsa, tarmoq shunchalik rivojlanadi, deb hisoblaymiz”.
Brend poytaxt aholisi va mehmonlariga yangicha ta'm taassurotlarini hadya etishga tayyor. Joriy yilda Costa Coffee O‘zbekistonda kamida uchta filial ochishni rejalashtirgan. Brendning xalqaro maqomi taqozo qiladigan yuksak standartlarga ega yangi qahvaxonalarning paydo bo‘lishi xushbo‘y ichimlik muxlislari uchun yangi imkoniyatlar ochadi va qahva iste'mol qilish madaniyatini butunlay yangi darajaga olib chiqadi.
Global brendning ekologik mas'uliyati
Iste'molga va atrof-muhitga mas'uliyatli munosabatda bo‘luvchilar uchun qimmatli fakt. Global qahva biznesi o‘laroq, Costa Coffee jahonni a'lo darajadagi qahva iste'moliga ruhlantiribgina qolmay, resurslarni qayta ishlash va takroriy foydalanish masalasiga jiddiy qarashga ham undaydi.
100% qahva va kakao Rainforest Alliancening sertifikatlangan fermalarida xarid qilinadi. Bu esa, turli donlar atrof-muhitni himoyalash, iqlim o‘zgarishi oqibatlarini yumshatish va fermerlar munosib yashashiga imkon berish ko‘zda tutilgan holda yetishtirilishini anglatadi. Costa Coffee qahvasidan lazzat olar ekansiz, tabiiy resurslar haqida qayg‘uruvchi tashkilotni qo‘llab-quvvatlayotganingizga amin bo‘lishingiz mumkin.
Lazzat va ta’m haqida
Ichimliklar xaritasi puxta ishlab chiqilgan bo’lib, u anchayin xilma-xildir:
- qaynoq va ays-qahvaning 13 tadan turi;
- xos retsept asosida 4 turdagi qahva – ularni shaharda boshqa hech qayerda topa olmaysiz;
- muzdek tetiklantiruvchi frappuchinoning 5 ta turi;
- qaynoq noqahva ichimliklarining 6 turi;
- bir qancha mualliflik limonadlari va ays-ti.
Costa qahvasi o‘zining yuqori sifatidan tashqari, panini, tost va shirin pishiriqlari: malinali bodom pirogi, sabzili pirog va pirojnoelari bilan ham mashhur. Siz shinamgina qahvaxonada o‘tirib suhbat qurishingiz yoki buyurtmangizni o‘zingiz bilan olib ketishingiz mumkin.
Kompaniya rejalarida O‘zbekistonda qahva madaniyatini ilgarilatish, yetkazib berish xizmatlari bilan hamkorlikni rivojlantirish, kelgusida esa, Costaning boshqa formatlarini ham olib kirish mavjud.
Brend Instagramdagi o‘z sahifasida yangiliklar joylashtirishni boshladi va yangi mijozlar bilan muloqotni yo‘lga qo‘ydi. Tez orada sayt va mobil ilovani ham ishga tushirish rejalashtirilgan, ular buyurtmalarni rasmiylashtirish va haqini to‘lashning texnologik usullariga ega bo‘ladi.
Ijtimoiy tarmoqlardagi sahifalarimiz:
Telegram: t.me/costacoffee_uz
Instagram: @costacoffee_uzbekistan
Facebook: @CostaCoffeeUzbekistan
Reklama huquqi asosida.
Izoh (0)