Тошкентда Costa Coffee халқаро тармоғининг янги қаҳвахонаси очилди. Янги маскан пойтахт марказида, Марказ-1 мавзесида, Экопарк яқинида жойлашган. Бренд ҳақиқий қаҳва таъмидан лаззат олиш, хос десертлар ва шакарсиз таомлардан татиб кўришни таклиф этади.
13 июль куни Тошкентда Costa Coffee халқаро тармоғининг илк қаҳвахонаси очилди. Буюк Британиянинг ушбу бренди катталиги бўйича дунёда иккинчи, Буюк Британияда эса, биринчи ўринда туради. Қаҳвахонанинг менюси нозик таъбли қаҳвасеварларни ҳам қувонтиради: қаҳвали ичимликларнинг кенг танлови (қайноқ ва совуқ тоифаларда 35 номдан зиёд), сендвич ва тостлар ассортименти, кўплаб десертлар, жумладан, машҳур шоколадли маффинлар ва бута мевасидан таёрланган кекслар.
Бой тарихга эга Британия бренди
Costa Coffee брендининг тарихи узоқ 1971 йилдан бошланади, ўшанда Италиядан Лондонга келган ака-ука Серхио ва Бруно Коста қаҳва қовуриш бўйича кичик устахона очадилар. Ака-укаларнинг мақсади аниқ эди: яхши, мазали ва хушбўй қаҳва аралашмасини кашф этиш. Бунинг учун, Cоста хос таъми бўлишга муносиб вариантни топгунга қадар, бирма-бир 112 вариантдаги қаҳвани синаб кўришга тўғри келди. Танланган бленд (икки ва ундан кўп қаҳва навларининг купажи) паст оловда қовурилган майин арабика ва “кучли” робуста донлари ўртасидаги ажойиб мувозанатга эга бўлди ва “Мокка Италия” деб аталди. Мана шу аралашма бугунда ҳам тармоқнинг хос аралашмаси саналади.
Ишга бундай масъулиятли ёндашув туфайли, 1978 йилга келибоқ қаҳвага талаб ниҳоятда ўсганлигидан каттароқ бинога кўчиб ўтишга тўғри келгани ажабланарли эмас. 1981 йилда ака-ука Жанубий Лондонда биринчи қаҳвахонани очдилар, бир неча йилдан кейин эса, бренд дўконлари ва қаҳвахоналари инглиз бомондининг учрашув жойига айланди. Бугунги кунда компания бренди остида дунёнинг 33 та мамлакатида тўрт мингга яқин қаҳвахона ишламоқда.
Costa Coffee – Ўзбекистонда
Ўзбекистонда лойиҳа “Бест Cоффее Чаин” МЧЖ компанияси туфайли иш бошламоқда. У Costa Coffee International расмий франчайзинг ҳамкорининг вакили бўлди.
“Халқаро брендлар, уларнинг тажрибаси ва экспертизаси бутун умумий овқатланиш соҳасига янги босқичга чиқиш, янги иш ўринлари яратиш, уйдан ташқарида овқатланиш ва қаҳва истеъмол қилиш маданиятини ривожлантиришда кўмак беради”,- дейди лойиҳа раҳбари Қаюм Ҳайдаров. “Биз бозорда кўплаб қаҳвахона тармоқлари ишлашини биламиз ва улар билан рақобатлашишдан мамнунмиз, чунки қаҳвасеварларда танлов қанчалик катта бўлса, тармоқ шунчалик ривожланади, деб ҳисоблаймиз”.
Бренд пойтахт аҳолиси ва меҳмонларига янгича таъм таассуротларини ҳадя этишга тайёр. Жорий йилда Costa Coffee Ўзбекистонда камида учта филиал очишни режалаштирган. Бренднинг халқаро мақоми тақозо қиладиган юксак стандартларга эга янги қаҳвахоналарнинг пайдо бўлиши хушбўй ичимлик мухлислари учун янги имкониятлар очади ва қаҳва истеъмол қилиш маданиятини бутунлай янги даражага олиб чиқади.
Глобал бренднинг экологик масъулияти
Истеъмолга ва атроф-муҳитга масъулиятли муносабатда бўлувчилар учун қимматли факт. Глобал қаҳва бизнеси ўлароқ, Costa Coffee жаҳонни аъло даражадаги қаҳва истеъмолига руҳлантирибгина қолмай, ресурсларни қайта ишлаш ва такрорий фойдаланиш масаласига жиддий қарашга ҳам ундайди.
100% қаҳва ва какао Раинфорест Аллианcенинг сертификатланган фермаларида харид қилинади. Бу эса, турли донлар атроф-муҳитни ҳимоялаш, иқлим ўзгариши оқибатларини юмшатиш ва фермерлар муносиб яшашига имкон бериш кўзда тутилган ҳолда етиштирилишини англатади. Costa Coffee қаҳвасидан лаззат олар экансиз, табиий ресурслар ҳақида қайғурувчи ташкилотни қўллаб-қувватлаётганингизга амин бўлишингиз мумкин.
Лаззат ва таъм ҳақида
Ичимликлар харитаси пухта ишлаб чиқилган бўлиб, у анчайин хилма-хилдир:
- қайноқ ва айс-қаҳванинг 13 тадан тури;
- хос рецепт асосида 4 турдаги қаҳва – уларни шаҳарда бошқа ҳеч қаерда топа олмайсиз;
- муздек тетиклантирувчи фраппучинонинг 5 та тури;
- қайноқ ноқаҳва ичимликларининг 6 тури;
- бир қанча муаллифлик лимонадлари ва айс-ти.
Cоста қаҳваси ўзининг юқори сифатидан ташқари, панини, тост ва ширин пишириқлари: малинали бодом пироги, сабзили пирог ва пирожноэлари билан ҳам машҳур. Сиз шинамгина қаҳвахонада ўтириб суҳбат қуришингиз ёки буюртмангизни ўзингиз билан олиб кетишингиз мумкин.
Компания режаларида Ўзбекистонда қаҳва маданиятини илгарилатиш, етказиб бериш хизматлари билан ҳамкорликни ривожлантириш, келгусида эса, Cостанинг бошқа форматларини ҳам олиб кириш мавжуд.
Бренд Instagramдаги ўз саҳифасида янгиликлар жойлаштиришни бошлади ва янги мижозлар билан мулоқотни йўлга қўйди. Тез орада сайт ва мобил иловани ҳам ишга тушириш режалаштирилган, улар буюртмаларни расмийлаштириш ва ҳақини тўлашнинг технологик усулларига эга бўлади.
Ижтимоий тармоқлардаги саҳифаларимиз:
Telegram: т.ме/cостаcоффее_уз
Instagram: @costacoffee_uzbekistan
Facebook: @CostaCoffeeUzbekistan
Реклама ҳуқуқи асосида.
Изоҳ (0)