Britaniyaning EasyJet loukosterining layneri ortiqcha yuk tufayli havoga ko‘tarila olmadi. Muammoni hal qilish uchun samolyot komandiri yo‘lovchilarning bir qismidan o‘z ixtiyori bilan reysni tark etishni so‘radi. Bu haqda Britaniyaning Independent nashri xabar bermoqda.
Barcha yo‘lovchilar o‘z joylarini egallab bo‘lgach, uchuvchi to‘satdan samolyot bugun juda og‘ir ekanligini va noqulay ob-havo sharoiti hamda qisqa uchish-qo‘nish yo‘lagi tufayli ucha olmasligini e’lon qildi.
“Iloji bo‘lsa, men 20 nafar ko‘ngillidan bugun kechqurun Liverpulga uchmaslikni ma’qul ko‘rishlarini so‘rayman”, — dedi ekipaj boshlig‘i muloyimlik bilan yo‘lovchilarga.
U bu muammoni aviakompaniya rahbariyati bilan muhokama qilgani va bortni o‘z ixtiyori bilan tark etgan har bir kishi keyingi reysga chiptani qo‘shimcha to‘lovlarsiz o‘zgartirishi, shuningdek, 500 yevro tovon puli olishi haqida ogohlantirdi. Natijada 19 kishi keyinroq parvoz qilishga rozi bo‘ldi.
Izoh (0)