Texasda 23 kishini otib o‘ldirgan yigit 900 yilga qamaldi

AQSHning Texas shtatida 24 yoshli Patrik Kruzius 20 dan ortiq odamni o‘ldirganlikda aybdor deb topildi. Bu haqda Euronews xabar bermoqda.

Xabarlarga ko‘ra, 2019-yil 3-avgust kuni “texaslik mergan” Allen shahridan El-Pasoga qasddan borgan va Walmart do‘konidagi meksikalik xaridorlarga qarata AK-47 avtomatidan o‘t ochgan.

Hujum oqibatida 23 kishi halok bo‘lgan, yana 20 nafar fuqaro turli tan jarohatlari olgan.

2023-yilning fevral oyida Kruziusning advokatlari va prokurorlari jazoni yengillashtirish bo‘yicha kelishuvga erishdi. Ayblanuvchi barcha 90 ta band bo‘yicha — ulardan 23 tasi nafrat bilan bog‘liq — sodir etilgan jinoyatlarda o‘z aybini tan oldi.

Patrik Kruzius 90 karra umrbod qamoq jazosiga hukm qilindi (900 yil).

May oyida AQSH sudi o‘zbekistonlik Sayfullo Soipovni 8 karra umrbod qamoq jazosiga hukm qildi. Soipov 2017-yilda Nyu-Yorkda terakt sodir etib, 8 kishini o‘ldirgan, 12 kishini jarohatlagan edi.