Mashhurlik va katta daromadga ega bo‘lish ham insonga baxt bera olmasligi mumkin. Dunyoga mashhur aktyorlar qatorida baxtni Gollivuddan emas, undan tashqarida his qilganlar ham bor. Quyida ana shunday mashhurlar haqida ma’lumot beriladi.
Ember Xyord
Ember Xyord va Jonni Depp o‘rtasidagi sud jarayonlari bir necha yil davom etdi. Aktrisa sobiq turmush o‘rtog‘ining karyerasiga zarar yetishiga o‘z hissasini qo‘shdi. Biroq bir yil oldin vaziyat o‘zgardi va “Karib dengizi qaroqchilari” filmi yulduzi o‘z nomini tikladi. Ushbu shov-shuv va zerikarli paparatsilardan qutulish uchun Ember Italiyaga ko‘chib o‘tdi. U serquyosh yurtda nafaqat go‘zal tabiat va mehribon insonlar, balki qizi Una bilan birga dam olmoqda. Ma’lumot uchun, uning qizini surrogat ona dunyoga keltirgan.
Nikol Kidman
G‘ayrioddiy ma’lumotlar egasi, aktrisa Nikol Kidman Tom Kruz bilan ajrashganidan keyin qiyinchiliklarni yengib o‘tdi. Mukammal ko‘rinishdagi juftlikning unchalik mukammal emasligi ma’lum bo‘ldi. Biroq, aktrisa barcha kerakli hujjatlarni imzolaganidan keyin o‘zini dunyodagi eng baxtli ayol deb his qildi. Yolg‘izlik uzoqqa cho‘zilmadi, ko‘p o‘tmay aktrisa xonanda Keyt Urban bilan uchrasha boshladi. Ular birgalikda bir necha yil baxtli hayot kechirdi va farzandli bo‘ldi. Kidman ko‘p vaqtini Gollivudda, suratga olish jarayonlarida o‘tkazganini hisobga olsak, u bu yerda yashashi mumkin edi, biroq juftlik o‘z merosxo‘rlarining Avstraliyaning toza havosida tarbiyalanishini istadi. Juftlik o‘zining fermasida meva va hatto alpakalarni yetishtiradi.
Jennifer Garner
Jennifer Garner va Ben Afflek AQSHning eng mashhur juftliklaridan biri edi. Ular turmush qurganidan so‘ng farzandli bo‘ldi. Biroq vaqt o‘tib ular ajrashdi. Ular do‘stona munosabatlarni saqlab qolishga va o‘z omadini boshqa insonlar bilan sinab ko‘rishga muvaffaq bo‘ldi. Afflek Jennifer Lopes bilan baxtli hayotdan zavqlanayotgan bo‘lsa, Garner o‘z karyerasini rivojlantirish, farzandlarini tarbiyalashda va bog‘larini parvarish qilishda davom etmoqda. Aktrisa Oklaxomadagi fermada yashaydi va badavlat bo‘lsa-da, yashash joyini o‘zgartirish niyatida emas.
Jorj Kluni
“Tez tibbiy yordam” serialining suratga olish jarayonlarida ishtirok etish o‘sha paytda taniqli bo‘lmagan aktyorga mashhur bo‘lish va o‘z kasbida talabgir bo‘lish imkonini berdi. Jorj Kluni yillar davomida o‘zini juda yaxshi ko‘rsatdi. U faqat o‘zini qiziqtirgan loyihalarda suratga tushdi. Aktyor birinchi marta katta miqdorda pul ishlaganida, Los-Anjelesdan mulk sotib oldi. Asta-sekinlik bilan, Kluni gonorari ortishi bilan uy sotib olishda davom etdi. Hozirda ahil oila boshlig‘i rafiqasi va farzandlari bilan go‘zal va quyoshli Italiyada yashaydi.
Mark Uolberg
Mark Uolberg va sevimli rafiqasi 2021-yilda qiyin, ammo muhim qaror qabul qildi, juftlik farzandlari bilan xavfli, shovqinli joyda yashay olmasligini tushunib yetdi. Ular ko‘p yillar davomida Los-Anjelesda yashadi. Biroq vaqt o‘tib ular bu joyni tark etdi va Las-Vegasga joylashishga qaror qildi. Juftlik ijtimoiy tarmoqdagi sahifasiga baxti ko‘rinishdagi suratlarini joylashtiradi va yana yangi narsalarni sinab ko‘rishdan cho‘chimaydi.
Juliya Roberts
“Hurliqo” romantik filmining yulduzi oddiy operator bilan turmush qurdi. U ko‘p vaqtini kamera qarshisida o‘tkazganiga qaramay, bu ularning oila qurishiga to‘sqinlik qilmadi. Ular juda ko‘p sinov va tajribalarni boshdan kechirdi. Biroq juftlik birga bo‘lish uchun qo‘lidan kelganini qildi. Juliyaning bir nechta uylari bor edi, biroq, u Nyu-Meksikodagi sokin Taos shahridagi uyida yashashga qaror qildi. Aktrisa va uning oilasi u yerda xavfsiz, bezovta qiluvchi muxlislardan himoyalangan.
Pamela Anderson
Jarrohlik amaliyotiga bo‘lgan muhabbat Pamela Andersonning tashqi ko‘rinishiga yaxshi ta’sir ko‘rsatmadi. Aktrisaning yuzida aniq o‘zgarishlar bo‘lsa ham, muxlislari bor. U ishdan bo‘sh vaqtida buvisining uyida bog‘dorchilik bilan shug‘ullanadi. Aktrisa katta boylikka ega bo‘lishiga qaramay, Kanadada — voyaga yetgan joyida yashashni afzal ko‘radi.
Izoh (0)