Машҳурлик ва катта даромадга эга бўлиш ҳам инсонга бахт бера олмаслиги мумкин. Дунёга машҳур актёрлар қаторида бахтни Голливуддан эмас, ундан ташқарида ҳис қилганлар ҳам бор. Қуйида ана шундай машҳурлар ҳақида маълумот берилади.
Эмбер Хёрд
Эмбер Хёрд ва Жонни Депп ўртасидаги суд жараёнлари бир неча йил давом этди. Актриса собиқ турмуш ўртоғининг карьерасига зарар етишига ўз ҳиссасини қўшди. Бироқ бир йил олдин вазият ўзгарди ва “Кариб денгизи қароқчилари” фильми юлдузи ўз номини тиклади. Ушбу шов-шув ва зерикарли папарацилардан қутулиш учун Эмбер Италияга кўчиб ўтди. У серқуёш юртда нафақат гўзал табиат ва меҳрибон инсонлар, балки қизи Уна билан бирга дам олмоқда. Маълумот учун, унинг қизини суррогат она дунёга келтирган.
Николь Кидман
Ғайриоддий маълумотлар эгаси, актриса Николь Кидман Том Круз билан ажрашганидан кейин қийинчиликларни енгиб ўтди. Мукаммал кўринишдаги жуфтликнинг унчалик мукаммал эмаслиги маълум бўлди. Бироқ, актриса барча керакли ҳужжатларни имзолаганидан кейин ўзини дунёдаги энг бахтли аёл деб ҳис қилди. Ёлғизлик узоққа чўзилмади, кўп ўтмай актриса хонанда Кейт Урбан билан учраша бошлади. Улар биргаликда бир неча йил бахтли ҳаёт кечирди ва фарзандли бўлди. Кидман кўп вақтини Голливудда, суратга олиш жараёнларида ўтказганини ҳисобга олсак, у бу ерда яшаши мумкин эди, бироқ жуфтлик ўз меросхўрларининг Австралиянинг тоза ҳавосида тарбияланишини истади. Жуфтлик ўзининг фермасида мева ва ҳатто алпакаларни етиштиради.
Женнифер Гарнер
Женнифер Гарнер ва Бен Аффлек АҚШнинг энг машҳур жуфтликларидан бири эди. Улар турмуш қурганидан сўнг фарзандли бўлди. Бироқ вақт ўтиб улар ажрашди. Улар дўстона муносабатларни сақлаб қолишга ва ўз омадини бошқа инсонлар билан синаб кўришга муваффақ бўлди. Аффлек Женнифер Лопес билан бахтли ҳаётдан завқланаётган бўлса, Гарнер ўз карьерасини ривожлантириш, фарзандларини тарбиялашда ва боғларини парвариш қилишда давом этмоқда. Актриса Оклахомадаги фермада яшайди ва бадавлат бўлса-да, яшаш жойини ўзгартириш ниятида эмас.
Жорж Клуни
“Тез тиббий ёрдам” сериалининг суратга олиш жараёнларида иштирок этиш ўша пайтда таниқли бўлмаган актёрга машҳур бўлиш ва ўз касбида талабгир бўлиш имконини берди. Жорж Клуни йиллар давомида ўзини жуда яхши кўрсатди. У фақат ўзини қизиқтирган лойиҳаларда суратга тушди. Актёр биринчи марта катта миқдорда пул ишлаганида, Лос-Анжелесдан мулк сотиб олди. Аста-секинлик билан, Клуни гонорари ортиши билан уй сотиб олишда давом этди. Ҳозирда аҳил оила бошлиғи рафиқаси ва фарзандлари билан гўзал ва қуёшли Италияда яшайди.
Марк Уолберг
Марк Уолберг ва севимли рафиқаси 2021 йилда қийин, аммо муҳим қарор қабул қилди, жуфтлик фарзандлари билан хавфли, шовқинли жойда яшай олмаслигини тушуниб етди. Улар кўп йиллар давомида Лос-Анжелесда яшади. Бироқ вақт ўтиб улар бу жойни тарк этди ва Лас-Вегасга жойлашишга қарор қилди. Жуфтлик ижтимоий тармоқдаги саҳифасига бахти кўринишдаги суратларини жойлаштиради ва яна янги нарсаларни синаб кўришдан чўчимайди.
Жулия Робертс
“Ҳурлиқо” романтик фильмининг юлдузи оддий оператор билан турмуш қурди. У кўп вақтини камера қаршисида ўтказганига қарамай, бу уларнинг оила қуришига тўсқинлик қилмади. Улар жуда кўп синов ва тажрибаларни бошдан кечирди. Бироқ жуфтлик бирга бўлиш учун қўлидан келганини қилди. Жулиянинг бир нечта уйлари бор эди, бироқ, у Нью-Мексикодаги сокин Taos шаҳридаги уйида яшашга қарор қилди. Актриса ва унинг оиласи у ерда хавфсиз, безовта қилувчи мухлислардан ҳимояланган.
Памела Андерсон
Жарроҳлик амалиётига бўлган муҳаббат Памела Андерсоннинг ташқи кўринишига яхши таъсир кўрсатмади. Актрисанинг юзида аниқ ўзгаришлар бўлса ҳам, мухлислари бор. У ишдан бўш вақтида бувисининг уйида боғдорчилик билан шуғулланади. Актриса катта бойликка эга бўлишига қарамай, Канадада — вояга етган жойида яшашни афзал кўради.
Изоҳ (0)